એક્સપર્ટ સલાહ / ખેડૂતોની કપાસ આવક ચાલુ થતાં જ ભાવ ડબ્બો થઇ જશે? કપાસ નિષ્ણાંત અરુણ દલાલના મહત્વના તારણ

• હાલ રાજ્યમાં કપાસના ભાવ ઉંચાસ્તરે 
• ઊંચા ભાવનો લાભ ખેડૂતો ઝડપથી લે તેવો  મત 
• આંતરરાષ્ટ્રીય બજારમાં ખરીદારો ઓછાં 

કપાસના ભાવ રાજ્યમાં ઊંચા સ્તરે હાલ જઈ રહ્યા છે.ત્યારે કપાસ નિષ્ણાંતનો મત છે કે ખેડૂતો ઊંચા ભાવનો લાભ ઝડપથી લઈ લે હાલમાં સારાં કપાસનો ભાવ 1300-1700રૂપિયા પ્રતિ મણ ચાલી રહ્યો છે. આગામી સમયમાં કપાસના ભાવ દબાણ હેઠળ જવાની પૂરેપૂરી શક્યતા છે.

કપાસ નિષ્ણાંત અરુણ દલાલનો મત
ગુજરાતમાં અત્યાર સુધીમાં 12 લાખ ગાંસડી કપાસ આવ્યો છે જેની સામે 3 લાખ ગાંસડી માલ અન્ય રાજ્યોમાંથી આવ્યો છે. સમગ્ર દેશમાં અત્યાર સુધીમાં 47 લાખ ગાંસડી માલ આવક થઈ ગઈ છે જેની સામે ગુજરાતમાં 70-75 લાખ ગાંસડી કપાસ ઉત્પાદનનો અંદાજ સેવાઇ રહ્યો છે. હાલમાં દેશમાં દૈનિક 1.50 લાખ ગાંસડી કપાસની આવક ચાલુ થઈ ગઈ પણ આ વખતે ઓસ્ટ્રેલિયા,અમેરિકા,યુગાન્ડામાં પણ કપાસનું સારુ ઉત્પાદન થયુ છે. જેથી આંતરરાષ્ટ્રીય બજારમાં ખરીદારો ઓછાં છે. 

કેમ નિષ્ણાંતો આપી રહ્યા છે આ સલાહ

• ગયા વર્ષે આંતરરાષ્ટ્રીય બજાર કરતાં રુ. 2500 પ્રતિ ખાંડી નીચાં હતાં
• આ વર્ષે ભારતનો કપાસ આંતરરાષ્ટ્રીય બજાર કરતાં રુ.800 નીચો
• આગામી દિવસોમાં નિકાસની માંગ ઘટવાની શકયતા
• ઓક્ટોબરમાં કોટનના ભાવ રુ. 55,000થી વધીને રુ. 69,000 સુધી પહોંચી ગયા હતા
• હાલમાં કોટનના ભાવ ઘટીને રુ. 66000-67000 ના સ્તરે
• કપાસની આવક વધતાં ભાવ ઘટતાં જશે
• નવેમ્બર અંત સુધીમાં કોટનનો ભાવ ફરી રુ. 60,000 ની નીચે આવે તેવી શક્યતા
• ખેડૂતોએ કપાસ વેચવા નિષ્ણાતોની સલાહ

નોંધ
ઉપરના તમામ સૂચન એક નિષ્ણાંત દ્વારા આપવામાં આવ્યા છે. કપાસ વેચવો કે ન વેચવોએ ખેડૂતોની પોતાની રાય છે. આ ફક્ત એક સલાહ છે.