રાહત / ગૂડ ન્યૂઝ : આવતીકાલથી રાંધણ ગેસના ભાવમાં થઈ રહ્યો છે આટલો રુપિયાનો ઘટાડો, જાણો તમારા શહેરના ભાવ

• 1 એપ્રિલથી સરકારની જનતાને રાહત
• સમગ્ર દેશભરમાં લાગુ પડશે 10 રુપિયાનો ઘટાડો
• આગામી દિવસોમાં હજુ પણ વધારે ભાવ ઘટવાની સંભાવના 

નવો ભાવ 1 એપ્રિલથી લાગુ પડશે. સરકારની માલિકીની ઈન્ડીયન ઓઈલ કોર્પોરેશને રાંધણ ગેસના ભાવ ઘટાડાની જાહેરાત કરી છે. ઈન્ડીયન ઓઈલ કોર્પોરેશને જણાવ્યું કે પેટ્રોલિયમ પ્રોડક્ટ્સના છૂટક ભાવ માટે નિર્ણાયક પરિબળ આંતરરાષ્ટ્રીય ઓઈલ પ્રાઈસીસમાં છેલ્લા કેટલાક દિવસથી અવિરત ઘટાડો આવી રહ્યો છે. જોકે મંગળવારે નજીવો વધારો થયો હતો. પરંતુ સરવાળે ક્રુડ ઓઈલની કિંમતોમાં ઘટાડો જોવા મળી રહ્યો છે જેને કારણે છૂટક ભાવમાં પણ ધટાડો થવો જોઈએ. આગામી દિવસોમાં હજુ પણ વધારે ભાવ ઘટવાની સંભાવના છે.

घरेलू LPG सिलेंडर की कीमत 10 रुपये प्रति सिलेंडर घटाई गई। नई कीमतें 1 अप्रैल 2021 से प्रभावी ढंग से लागू होंगी: इंडियन ऑयल लिमिटेड pic.twitter.com/qXZnVgfyg9

— ANI_HindiNews (@AHindinews) March 31, 2021

હાલમાં ટોચના 5 મહાનગરમાં રાંધણ ગેસનો કેટલો ભાવ 
નવી દિલ્હી  રુ. 819
મુંબઈ રુ. 819
અમદાવાદ રુ. 819 
ચેન્નઈ રુ. 835
કોલકાતા રુ. 845

10 રુપિયાના ઘટાડા બાદ અમદાવાદમાં સરેરાશ 810 રુપિયામાં રાંધણગેસનો 1 બાટલો મળશે.
10 રુપિયાના ઘટાડા બાદ અમદાવાદમાં સરેરાશ 810 રુપિયામાં રાંધણગેસનો 1 બાટલો મળશે. આ સમયે દિલ્હીમાં 14.2 કિલોના ગેસ સિલિન્ડરની પ્રાઇઝ 819 રૂપિયા છે. જ્યારે કોલકાતામાં 845, મુંબઇમાં 819, ચેન્નઇમાં 835 છે. ફેબ્રુઆરીની વાત કરીએ તો તેમાં ત્રણ વાર ભાવ વધ્યા હતા. 

આ સમયથી નથી મળી સબ્સિડી
મળતી માહિતી અનુસાર મે મહિનાથી ગ્રાહકોને ગેસ સિલિન્ડરની સબ્સિડી મળી નથી. જુલાઈથી લઈને નવેમ્બર સુધી સિલિન્ડરના ભાવમાં કોઈ ફેરફાર કરાયો નથી. કંપનીઓએ ડિસેમ્બરમાં રસોઈ ગેસની કિંમતોમાં 2 વારમાં 100 રૂપિયા ભાવ વધાર્યા હતા. આ પછી ફેબ્રુઆરીમાં 3 વારમાં 100 રૂપિયા ભાવ વધાર્યા બાદ માર્ચમાં 25 રૂપિયાનો ભાવ વધારો કર્યો છે. હવે દિલ્હીમાં સિલિન્ડરની કિંમત 819 રૂપિયા છે તો કોલકત્તામાં 845.50 રૂપિયા અને ચેન્નઈમાં તે 835 રૂપિયે મળી રહ્યો છે. 

કેટલી સબ્સિડી મળે છે 
સબ્સિડી  એ લોકોને મળે છે જેમની વાર્ષિક આવક 10 લાખ રૂપિયાથી વધારે હોતી નથી. જો પતિ અને પત્ની મળીને પણ 10 લાખ કમાય છે તો તેમને સબ્સિડી  મળશે નહીં.  હાલમાં રાંધણ ગેસ પર સબ્સિડી ઓછી થઇ ગઇ છે. કોરોનાકાળમાં ગ્રાહકોના ખાતામાં 10-12 રૂપિયા સબ્સિડી તરીકે આવી રહ્યાં છે. એક સમય હતો જ્યારે 200 રૂપિયા સુધીની સબ્સિડી  મળતી હતી. 

 
દિલ્હીમાં ગ્રાહકોને નથી મળી રહી સબ્સિડી
કોરોના મહામારીના કહેરમાં કાબૂ થયા બાદ માંગમાં સુધારાની વચ્ચે આંતરરાષ્ટ્રિય બજારમાં એલપીજીના ભાવ વધી રહ્યા છે. ખાસ વાત એ છે કે સબ્સિડી  અને વિના સબ્સિડી  બંને સિલિન્ડરના ભાવ વધ્યા છે. દેશમાં એલપીજીના ભાવ એક જ હોય છે. સરકાર આ ગ્રાહકોને સબ્સિડી આપે છે. દિલ્હીમાં ગ્રાહકોને કોઈ સબ્સિડી  મળતી નથી. હાલમાં અહીં સિલિન્ડરનો ભાવ 819 રૂપિયા થઈ ચૂક્યો છે.