Vtvનું સ્ટીંગ ઓપરેશન: RTOમાં મહાકૌભાંડ HSRP નંબર પ્લેટ લગાવવામાં ભ્રષ્ટાચારનો પર્દાફાશ

સાબરકાંઠાઃ HSRP નંબર પ્લેટમાં અધિકારીઓની રહેમનજરે મહાકૌભાંડ ચાલી રહ્યું છે. HSRP નંબર પ્લેટમાં પ્રાયવેટ એજન્સીઓ RTO સામે ખુલ્લેઆમ ઉઘાડી લૂંટ વાહન ચાલકો પાસે ચલાવી રહ્યા છે. બાઈક અને કારની નંબર પ્લેટ લગાવવા પ્રાયવેટ એજન્સીઓ ત્રણ ઘણા રૂપિયા લઇ રહ્યા છે. જ્યારે Vtvએ તમામ કૌભાંડનું સ્ટીંગ ઓપરેશન કર્યુ છે.

એક તરફ RTOમાં એજન્ટો વગર કામ થતું નથી તો હવે સરકારે HSRP નંબર પ્લેટ ફરજીયાત કરી છે. જુના વાહનોને પણ HSRP નંબર પ્લેટ ફરજીયાત લગાવવાના આદેશ કર્યા છે. ત્યારે સરકાર દ્વારા RTO સિવાય પ્રાઇવેટ એજન્સીઓને નંબર પ્લેટ બનાવવાની છુટ આપવામાં આવી છે. હવે પ્રાઈવેટ નંબર પ્લેટ બનાવતા એજન્સીના માણસો વાહન ચાલકો પાસેથી ઉઘાડી લૂંટ કરી રહ્યા છે.

RTOએ નિયત કરેલા નાણા કરતા પ્રાઈવેટ એજન્સીઓ ત્રણ ઘણા પૈસા વાહન ચાલકો પાસેથી પડાવી રહ્યા છે. તમામ મામલે RTO નજીક આવેલા કોમ્પ્લેક્સમાં સ્ટાર લાઈન રેડીયમ અને RTO સામે આવેલા સિદ્વશ્વેરી કલર ઝેરોક્ષ નામની દુકાનમાં સ્ટીંગ ઓપરેશન કરાતા તમામ કૌભાંડનો પર્દાફાશ થયો હતો.

બંને દુકાનોના માલિકો વાહન ચાલકોને તાત્કાલિક એક કલાકમાં નંબર પ્લેટ આપણે મળી જશે તેવુ કહે છે. ફોરવ્હીલર હોય તો 1000થી 1200 રૂપિયા અને ટુ વ્હીલર રિક્ષા હોયતો 500થી 700 રૂપિયાનો ચાર્જ થશે તેવું સ્ટીંગમાં જણાવી રહ્યા છે.

તો સાથે સાથે એમ પણ કહી રહ્યા છે તમારે કાયદેસર કઢાવી હોય તો 15થી 20 દિવસ લાગી જશે અને અમે તમને માત્ર એક જ કલાકમાં કાઢી આપીશું એમાં RTO ઓફીસમાં સાહેબોને પણ વહીવટ કરવો પડે છે. વહીવટ કરીએ એટલે તમારૂ કામ એક જ કલાકમાં પતિ જાય... તો વાહન ચાલકો પણ જણાવે છે કે RTOના રૂલ્સ કરતા ત્રણ ઘણા રૂપિયા પડાવવાની વ્યાપક ફરિયાદો પણ ઉઠવા પામી છે.

RTOમાં એજન્ટ રાજ!
એજન્ટ: બોલો 
રિપોર્ટર: નંબર પ્લેટ બને છે એક બાઈક અને મારૂતી જુની છે  
એજન્ટ: બન્નેની બનાવાની કઈ બનાવાની ? 
રિપોર્ટર: RTO બનાવુ કે પછી  
એજન્ટઃ RTO બનાવો  
એજન્ટઃ RC બુક લાવ્યા છો? 
રિપોર્ટર: ના નહી જલ્દીમાં આવ્યા એટલે નહી લાવ્યા 
એજન્ટ: RC બુકની ઝોરોક્ષ અને આધારકાર્ડની ઝોરોક્ષ   
રિપોર્ટર: RC બુકની ઝોરોક્ષ અને આધારકાર્ડની ઝોરોક્ષ  ઓકે 
એજન્ટઃ 1 કલાકમાં મળી જશે 
રિપોર્ટર: શું ભાવ છે? 
એજન્ટ: આપણે મારૂતી છે  
રિપોર્ટર: હા મારૂતી છે અને એક બાઈક 
એજન્ટઃ બાઈકના લઈએ છીએ રૂ. 500 અને મારૂતીના રૂ. 1100 
રિપોર્ટર: બાઈકના કેટલા? 
એજન્ટઃ રૂ. 500 
રિપોર્ટર: આમતો RTO એમ કહે છે કે આગળ પાછળના રૂ. 180 
એજન્ટઃ પણ તમારે એ પ્રમાણે 15 દિવસના ધ[ા ખાવા પડેને  
રિપોર્ટર: અરે પણ 50 100 રૂપિયા વધાર લોછો 
એજન્ટઃ અમે કલાકમાં કામ કરીને આવીએ છીએ તો અંદર ભરવુ પડેને અમારે તાત્કાલિક  
રિપોર્ટર: પાછુ અંદર આપવુ પડે તમારે? 
એજન્ટઃ ના ત્યારે ફોગટમાં બનીને આવે છે 
રિપોર્ટર: હા હા હા... કોને આપો છો? 
એજન્ટઃ અંદર સાહેબને આપવુ પડે છે હા....હા...હા 
રિપોર્ટર: લો બોલો સાહેબને ના કહી શકો વ્યાજબી કરો થોડા 
એજન્ટઃ જુઓ સાહેબ RTO વાળુ છે એટલે અંદર અમારે  પૈસા ભરવા પડે  અમે કલાકમાં બનાવીએ અને તાત્કાલીક લાવીએ છીએ આજે લવ કાલે લવ પરમ દિવસ લવ એવુ નથી...આપણુ કામ એક કલાક બેસો તાત્કાલિક બનીને આવી જશે 
રિપોર્ટર: એક ગાડીના 400 રૂપિયા? 
એજન્ટઃ ના નહી ગાડીના રૂ. 1100 
રિપોર્ટર: અને બાઈકના રૂ. 400 
એજન્ટઃ ના નહી બાઈકના રૂ. 500 
એજન્ટનો માણસઃ ઈમ્તિયાઝભાઈ કયાં હુઆ બાઈક RTO વાલેકા રૂ. 500 બતાવ્યા અને મારૂતિ વાલેકા રૂ. 1100 બતાવ્યા... બાઈકના 550  અને ગાડીકા રૂ. 1100 
રિપોર્ટર: શું થયુ? 
એજન્ટઃ બાઈકના રૂ. 550 અને ગાડીના રૂ.1100 
રિપોર્ટર: આમતો 160 છે યાર હુ એજ વિચારુ છું 
એજન્ટઃ 160માં એક મહિના પછી મળશે જયાં સુધી મોબાઈલ પર મેસેજ ના આવે ત્યાં સુધી બાઈક નહી મળે આપણે તમને એક કલાકમાં આપી દઈએ છીએ લગાવીને ફીટ કરીને 
રિપોર્ટર: હા પણ 160ના બદલે કોઈ વસ્તુ લઈ લો 
એજન્ટઃ સોરી શેઠ અંદર પૈસા આપવા પડે અને ઈમરજન્સીમાં વસ્તુ બનાવી પડે  
રિપોર્ટર: અંદર આપવા પડે? 
એજન્ટઃ હોવે થોડીના ફ્રીમાં બને  
રિપોર્ટર: મરવા દોને અંદર આપવાનુ  
એજન્ટઃ મારા બાપનું RTO હોયતો અંદર મળવા જઈએ શેઠ 
રિપોર્ટર: બોલો સાહેબો પણ પૈસા લેશે 
રિપોર્ટર: મારૂતિના કેટલા કીધા? 
એજન્ટઃ રૂ. 1100 અડધો કલાકમાં પ્લેટ મળી જશે 

RTOમાં એજન્ટ રાજ!
રિપોર્ટર: નંબર પ્લેટ સાહેબ 
એજન્ટઃ કઈ? 
રિપોર્ટર: RTOની 
એજન્ટઃ RTO માટેની નંબર પ્લેટ કઈ ગાડી છે ? 
રિપોર્ટર: બાઈક છે શું લેશો? 
એજન્ટઃ અરજન્ટ જોવે કે શાંતિથી 
રિપોર્ટર: અરજન્ટ જોવે 
એજન્ટઃ એક જ મિનિટ ભાઈ હા વાત કરું જુઓ તમારું બાઈક છે RTO રીતે કરવુ તો ખાલી મારે 50 રૂપિયામાં ફોર્મ ભરી આપવાનુ અંદર તમાર ફી ભરી દેવાની વિસ્તારે મેસેજ આવે એટલે પ્લેટ આવીને ફીટ કરી જવાની  
રિપોર્ટરઃ ટાઈમે ફીટ કરાઈ જવાની ઓકે 
એજન્ટઃ એટલે તમારે 220 રૂપિયા જેવો ખર્ચો થાય અત્યારે 50 રૂપિયાનું અપલોડ કર્યુ કહેવાય પછી 140 રૂપિયા ભરવાના પછી  જે તે દિવસે મેસેજ આવે એટલે ફીટ કરવાની અપોઈમેન્ટ લેવાની તારીખની  
રિપોર્ટર: બરાબર 
એજન્ટઃ એટલે બધો થઈને 220 જેવો ખર્ચ થાય હાલ ડાયરેક્ટ કરાવુ હોય તો એક કલાકમાં પતી જાય 20થી 25 દિવસ કોઈ રાહ નહી જોવાની કોઈ અપોઈન્ટમેન્ટ નહી એનો ખર્ચ રૂ. 450 થાય  
રિપોર્ટર: એ વધારે ના કહેવાય  
એજન્ટઃ મારે લેવાના નથી અંદર લેવાના છે 
રિપોર્ટર: મારૂતિનું કરવુ હોય તો? 
એજન્ટઃ રૂ. 900 RTO રીતે કરવુ હોય તો 550 થાય  ટુંકમાં ડબલ ફી થઈ જાય  
રિપોર્ટર: તાત્કાલિક  
એજન્ટઃ અંદર ડબલ પૈસા થઈ જાય 
રિપોર્ટર: સાહેબને ઓળખાણ હોય તો અંદર શું કામ આપવાના  
એજન્ટઃ અમે બાર કમાઈએ અંદર સાહેબ ના લે એ બને  
એજન્ટઃ આ એજન્ટો એમનેમ નથી અંદર તો લે જ ને ઓળખાણ એક દિવસ હોય રોજ ના હોય અમારે અંદર રોજ જવાનુ હોય  

સળગતા સવાલઃ
સાબરકાંઠામાં HSRP નંબર પ્લેટમાં કેટલા સમયથી ચાલે છે કૌભાંડ? ખાનગી એજન્સીઓ કેમ ચાલકો પાસેથી ખુલ્લેઆમ રૂપિયા લઈ રહ્યા છે? નિયત કરેલા નાણા કરતા કેમ વધુ લેવાય છે રૂપિયા? વાહન ચાલકો પાસેથી કેમ ચલાવાય છે ઉઘાડી લૂંટ? HSRP કૌભાંડ RTO સામે અધિકારી શું કરે છે? શું ચાલકોના પૈસા અધિકારીઓ પાસે જાય છે? એજન્ટો પાસે અધિકારીઓ કેમ લઈ રહ્યા છે કટકી? શું સરકારે આપી એજન્ટોને છૂટ? કટકી લેનારા આ અધિકારીઓ કોણ? HSRP નંબર પ્લેટ કૌભાંડમાં તપાસ થશે? કટકી લેનારા અધિકારીઓની તપાસ થશે? 

ખિસ્સા ખંખેરવાનો ખેલ

RTOના ભાવ	પ્રાઈવેટ એજન્સી	વસૂલાતા ભાવ
2 વ્હીલર રૂ. 140	રૂ.140+89 =  રૂ.229	રૂ.500થી 600
3 વ્હીલર રૂ. 180	રૂ.180+89 =  રૂ.269	રૂ.500થી 700
4 વ્હીલર રૂ. 400	રૂ.400+150 = રૂ.550	રૂ.900થી 1200
6 વ્હીલર અને હેવી	રૂ. 420 રૂ.420+ 150=રૂ.570	રૂ.900થી 1300