કોરોના મહામારીના આ કપરાકાળમાં કંપનીઓએ કર્મચારીઓને વર્ક ફ્રોમ હોમ આપી દેવામાં આવ્યું છે ત્યારે ઘરે લેપટોપ પર સૂઇને કામ કરતા હોય ત્યારે શરીરના ભાગને તકલીફ પહોંચે છે. ઓફિસમાં હોય તેવી વ્યવસ્થા ઘરે ન હોઇ શકે જેના લીધે કમરમાં અને ગરદનમાં પણ તકલીફ થઇ શકે છે. ત્યારે આપણે આજે જાણીશું કે ઘરે બેસીને કેવી રીતે કામ કરવું જોઇએ.
વર્ક ફ્રોમ હોમ કરો છો તો ચેતજો
ગમે તે રીતે બેસવાથી વધે છે તકલીફ
સાચી રીત શીખો અને હેલ્ધી રહો
ખુરશીમાં જ્યારે પણ બેસો ત્યારે એકદમ સીધા બેસવું જોઇએ, ખભાને આરામ મળે તે રીતે બેસવું જોઇએ. તમારી કોણી ખુરશીના હેન્ડલને અડે તે રીતે બેસો. ખુરશી પર બેસતી વખતે તમારા પગના પંજા પણ નીચે જમીનને સ્પર્શે તે પણ એટલું જ જરૂરી છે.
તસવીરમાં તમે જોઇ શકો છો કે કેવી રીતે વ્યવસ્થિત બેસી શકાય. જો તમે ખોટી રીતે બેસો છો તો તમારી ખોટી આદતને તાત્કાલિક બદલી નાંખો.
લેપટોપ કે પીસી પર કામ કરો છો તો તેમાં કેટલી નજીકથી બેસો છો તે પણ મહત્વનું છે.
તમે જ્યારે પણ કામ કરવા બેસો ત્યારે તમારા શરીરનું સંપૂર્ણ વજન તમારા નિતંબ પર રહે તે પણ ખૂબ જરૂરી છે. જ્યારે પણ બેસો ત્યારે આ રીતે બેસવું જોઇએ.