રાહત / આર્થિક મંદી વચ્ચે નાણામંત્રી સિતારમણની મોટી જાહેરાત, કોર્પોરેટ કંપનીઓના ટેક્સમાં કર્યો ઘટાડો

નિર્મલા સીતારમણે પ્રેસ કોન્ફરન્સમાં જણાવ્યું કે મેક ઇન ઇન્ડિયાને પ્રોત્સાહિત કરવા માટે IT એક્ટમાં નવી જોગવાઇ જોડવામાં આવી છે, જે નક્કી કરશે કે કોઇપણ નવી ઘરેલુ કંપનીઓનું ગઠન જે 1 ઓક્ટોબર 2019 કે ત્યારબાદ થઇ હોય અને જે નવું રોકાણ કરી રહી છે તેમને 15 ટકાના દરથી ટેક્સ ચૂકવશે.

ગોવામાં યોજાનારી GST કાઉન્સીલની બેઠક પૂર્વ નાણાંમંત્રી નિર્મલા સીતારમણે પત્રકાર પરીષદ યોજી હતી. આ દરમિયાન નાણાંમંત્રીએ કંપની અને ઇન્ડસ્ટ્રીઝ રાહત આપી છે.  આમ મંદીની અસર ઓછું કરવા સરકારે આ પગલુ ભર્યું છે.

GSTની બેઠક પહેલા નાણાંમંત્રીએ ઘરેલું કંપનીઓને રાહતને લઇને કરેલી જાહેરાતને શેરબજારે વધાવી લીધું છે. જેને લઇને સેન્સેક્સમાં 1300 પોઇન્ટ સુધીનો જ્યારે નિફ્ટીમાં 350 પોઇન્ટનો ઉછાળો જોવા મળ્યો. આમ નાણાંમંત્રીની જાહેરાત બાદ છેલ્લા થોડા સમયથી રેડઝોનમાં ચાલી રહેલા શેરબજારમાં નવા પ્રાણ ફુંકાયાં છે.

Stabilising flow of funds into the capital market

Enhanced surcharge under Finance (No.2) Act, 2019 not to apply on capital gains arising on sale of equity share in a company or a unit of an equity oriented fund or a unit of a business trust liable for STT pic.twitter.com/IEt7Yr0R7v

— PIB India (@PIB_India) September 20, 2019

નાણાંમંત્રીએ જણાવ્યું કે રોકાણ કરનાર કંપની પર 15 ટકા ટેક્સ લાગશે. જ્યારે મેન્યુફેકચરિંગ કંપનીઓ માટે પણ ટેક્સ ઘટશે. કોઇપણ રાહત વગર ઇન્કમ ટેક્સ 22 ટકા હશે. જો કે સરકારને આ જાહેરાત બાદ 1.45 લાખ કરોડનું નુકસાન થશે. ઇક્વિટી કેપિટલ ગેન્સ પર સરચાર્જ હટાવી દેવામાં આવ્યો છે.

આમ મંદીનો માર સહન કરી રહેલા ઉદ્યોગોને નાણાંમંત્રી સીતારમણે મોટી રાહત આપી છે. જેમાં ઉદ્યોગપતિઓને રાહત આપતા નાણાંમંત્રીએ કોર્પોરેટ ટેક્સમાં ઘટાડાની જાહેરાત કરી છે. આ સાથે જ MAT એટલે કે મીનીમમ અલ્ટરનેટિવ ટેક્સને હટાવી દીધો છે. ખરેખર તો આ ટેક્સ એવી કંપનીઓ પર લગાવામાં આવે છે જે નફો કરતી હોય. ઇન્કમ ટેક્સ એક્ટના સેકશન 115JB ના હેઠળ MAT લાગે છે.

Finance Minister Nirmala Sitharaman: The effective tax rate for these companies shall be 25.17 % inclusive of all surcharge and cess. https://t.co/nFJoh5ypch

— ANI (@ANI) September 20, 2019