Coronavirus / સ્પેનમાં 24 કલાકમાં કોરોનાથી 832 લોકોના મોત, દુનિયામાં 6 લાખથી વધુ પોઝિટિવ કેસ નોંધાયા

• સ્પેનમાં કોરોના વાયરસથી શનિવારે કુલ 5690 લોકોના મોત થયા
• સ્પેનમાં કુલ સંક્રમણના કેસ 72,000થી વધુ નોંધાયા
• ઇટાલીમાં કોરોના વાયરસથી કુલ 9,134 લોકોના મોત

સ્પેનમાં કોરોના વાયરસ (Coronavirus)થી શનિવારે કુલ 5690 લોકોના મોત થયા છે. સ્પેનની સરકારે કહ્યું કે દેશમાં મોતનો આંકડો શનિવારે 5,600થી વધારે થઇ ગયો. જ્યારે 24 કલાકમાં જ 832 લોકોના મોત થઇ ચૂક્યા છે. જ્યારે કુલ સંક્રમણના કેસ 72,000થી વધુ નોંધાયા છે.  

કોરોના વાયરસનો આંકડો સતત વધી રહ્યો છે. અમેરિકા, ઇરાન, ઇટલી, જાપાન, જર્મની સહિત ઘણા દેશોમાં કોરોના વાયરસથી હડકંપ મચી ગયો છે. દુનિયાભરમાં કોરોના વાયરસના પોઝિટિવ કેસની સંખ્યા 6 લાખને પાર પહોંચી ગઇ છે. નોંધનીય છે કે, દુનિયાભરમાં કોરોના વાયરસના કુલ કેસની સંખ્યા વધીને 6,17,063 થઇ ગયા છે. જ્યારે કુલ 28, 376 લોકોના કોરોનાથી મોત થયા છે. 

ઇટાલીમાં કોરોના વાયરસની મહામારીથી હાલ કોઇ રાહતની આશા દેખાઇ રહી નથી. ઇટાલીમાં પણ કોરોના સંક્રમિત કેસની સંખ્યામાં વધારો થયો છે. ઇટાલીમાં કોરોના વાયરસથી મૃત્યુ પામનારની સંખ્યા 9,134 પર પહોંચી ગઇ છે. જ્યારે 86,498 લોકો કોરોના વાયરસથી પોઝિટિવ જોવા મળ્યા છે. જ્યારે 10,950 લોકો ઠીક થયા છે.