coronavirus / ઈટાલીમાં પરિસ્થિતિ કાબૂ બહાર, હોસ્પિટલમાં બેડ ઓછા પડ્યાઃ અમેરિકામાં રોજ ૧૮૦૦ મોત

અત્યાર સુધી ૧૫,૨૩,૦૦૦થી વધુ લોકો જીવ ગુમાવી ચૂક્યા છે. ઇટાલીમાં સંક્રમણ કાબૂ બહાર ગયું છે, અહીં શુક્રવારે ૯૯૩ મૃત્યુ થયાં છે. હોસ્પિટલમાં હવે બેડ ઓછા પડી રહ્યા છે. સરકારે સ્પષ્ટ કરી દીધું છે કે આ વખતે ક્રિસમસ, બોક્સિંગ ડે અને ન્યૂ યર પ્રતિબંધમાં જ રહેશે. 

ઈટાલીમાં કુલ ૫૮,૦૦૦ લોકો સંક્રમણથી દમ તોડી ચૂક્યા છે

યુરોપીય દેશોમાં જે હાલત માર્ચ અને એપ્રિલમાં હતી તે ફરી થવા લાગી છે. ફ્રાંસ અને જર્મનીમાં સખત પ્રતિબંધ અને લોકડાઉનથી થોડા સમય સુધી તેના પર કાબૂ મેળવાયો હતો, પરંતુ ઇટાલીમાં એવું ન થયું. શુક્રવારે અહીં ૯૯૩ લોકોનાં મોત થયાં. અત્યાર સુધી કુલ ૫૮,૦૦૦ લોકો સંક્રમણથી દમ તોડી ચૂક્યા છે. ઇટાલી સરકારનું કહેવું છે કે હોસ્પિટલમાં બેડ ઘટતા જાય છે. 

લોકોએ માનસિક રીતે ઘરમાં રહેવા પણ તૈયાર રહેવું પડશે

સરકારે એ પણ સ્પષ્ટ કરી દીધું છે કે ફેસ્ટિવલ ‌સિઝનમાં પ્રતિબંધ પહેલાં કરતાં વધુ સખત હશે અને લોકોએ માનસિક રીતે ઘરમાં રહેવા પણ તૈયાર રહેવું પડશે. અમેરિકામાં પણ સંક્રમણથી પરિસ્થિતિ અતિશય ખરાબ થઇ છે. આ અઠવાડિયે રોજ ૧૮૦૦ મૃત્યુ થયાં છે અને એપ્રિલ બાદ આ ખતરનાક હાલત છે. પ્રેસિડેન્ટ ઇલેક્ટ જો બિડેને ટ્રમ્પ એડમિનિસ્ટ્રેશન પર આક્ષેપ લગાવ્યા છે કે તેમણે વેક્સિન ડિ‌િસ્ટ્રબ્યૂશનનો યોગ્ય પ્લાન બનાવ્યો નથી અને તે કારણે રાજ્યને પરેશાની થઇ રહી છે. 

કોરોના સ્થિતિ માટે જો બિડેને ટ્રમ્પ એડમિનિસ્ટ્રેશન પર આક્ષેપ લગાવ્યા

બિડેને કહ્યુ કે મારી ટીમને અત્યાર સુધી ડિટેલ્ડ પ્લાન મળ્યો નથી. અમારે વેક્સિન અને સિરિંજ કન્ટેનર્સની વ્યવસ્થા કરવી પડી રહી છે. બિડેને ટ્રમ્પના કોરોના ટાસ્ક ફોર્સમાં સામેલ રહેલા ડોક્ટર એન્થની ફોસીને અપીલ કરી છે કે તેઓ તેમની કોરોના ટીમનો ભાગ બને. ફોસીએ અત્યાર સુધી તેના પર જવાબ આપ્યો નથી.