લ્યો બોલો! / ગુજરાત આવેલી જાનમાં કોરોનાના ટેસ્ટ કરાતા કન્યાનો જ રિપોર્ટ આવ્યો પોઝિટિવ, પછી જાણો શું થયું

• વલસાડમાં લગ્નના દિવસે જ કન્યાનો રિપોર્ટ આવ્યો પોઝિટિવ 
• લગ્નની ચોરીમાં કન્યા કોરોના પોઝિટિવ 
• યુવતી 10 તારીખે ખરીદી માટે મુંબઈ ગઇ હતી

વલસાડમાં આજે એક અજીબો ગરીબ કિસ્‍સો પ્રકાશમાં આવ્‍યો છે. પ્રાપ્ત થતી જાણકારી પ્રમાણે વલસાડના મોટાબજારમાં રહેતી એક યુવતીની સગાઇ મુંબઇના યુવાન સાથે થઇ હતી. જો કે, ત્યારબાદ લગ્ન લેવાના હોવાથી આ માટે તેઓ 10 નવેમ્બરના રોજ મુંબઇ ખરીદી માટે ગયેલ અને આજે તેણીના લગ્ન યોજાયા હતા.  

કન્યાનો જ કોરોના રિપોર્ટ આવ્યો પોઝિટિવ 

નોંધનીય છે કે, રાજ્યની હિસ્ટ્રીના આધારે આજરોજ આરોગ્યની ટીમ આજે લગ્ન સ્થળે પહોંચી હતી અને જાનૈયાઓના આરોગ્ય વિભાગે રેપિડ ટેસ્ટ કરતા કન્યાનો જ રિપોર્ટ પોઝિટિવ આવતા જાનમાં સોંપો પડી ગયો હતો. ત્યારે કન્યા સાસરે જવાને બદલે પિતાના જ ઘરે ક્વોરન્ટાઇન કરવામાં આવી હતી. 

મુંબઇથી આવી હતી જાન 

લગ્નમાં તમામ લોકોએ કોરોના વાયરસની ગાઇડલાઇનનું ચુસ્‍ત પણે પાલન કર્યુ હતું. પરંતુ જાન મહારાષ્‍ટ્ર રાજયમાંથી આવેલ હોવાથી સ્થાનિક આરોગ્‍ય વિભાગની ટીમ દ્વારા જાનમાં હાજર સગા સબંધીઓનો રેપિડ ટેસ્‍ટ કરવામાં આવ્‍યો હતો અને કન્યાનો રિપોર્ટ પોઝિટિવ આવ્યો હતો.