coronavirus / વલસાડ તંત્રએ શ્રમિકો પાસેથી રાત્રે જ ટિકિટના પૈસા માંગતા, કોંગ્રેસના કાર્યકરોએે દરેકને 700 રુ. આપ્યાં

• વલસાડ થી ઉત્તરપ્રદેશ જવા માટે આજે ટ્રેન ઉપડે તેવી શક્યતા
• પરપ્રાંતીયો પાસેથી ટિકિટના પૈસા વસૂલવામાં આવ્યાં હોવાનો આક્ષેપ
• જિલ્લા કોંગ્રેસ કાર્યાલય બહાર ભાડા ના પૈસા લેવા પરપ્રાંતીયો ઉમટ્યા

પ્રાપ્ત મળતી વિગત અનુસાર વલસાડથી ઉત્તર પ્રદેશ જવા માટે ટ્રન રવાના કરવામાં આવશે. જો કે રજીસ્ટ્રેશન કરેલા પરપ્રાંતિયોને વલસાડ પાલિકાએ એકાએક જાણ કરી ભાડાના પૈસા ચુકવવા માટે રાત્રે બોલાવ્યાં હોવાની વિગત સામે આવી છે. 

જો મજબૂરીમાં વતન જતા પરપ્રાંતિયો પાસેથી ટીકિટના પૈસા વસૂલવામાં આવતાં હોવાનો આક્ષેપ  સાથે કોંગ્રેસે રોષ વ્યક્ત કર્યો છે. 

જો કે તકનો ફાયદો ઉઠાવવાને લઇને હમદર્દી મેળવવા માટે વલસાડ જિલ્લા કોંગ્રેસ કાર્યાલય ખાતે અડધી રાત્રે પરપ્રાંતિયોને પૈસા આપવાની શરૂઆત કરી. આ અંગેની જાણ થતાં પરપ્રાંતિયોઓ કોંગ્રેસ કાર્યાલય બહાર ભાડુ લેવા ઉમટયાં હતા.

સોશિયલ ડિસ્ટન્સ જાળવવા સાથે વલસાડ જિલ્લા કોંગ્રેસ દ્વારા ટિકિટ દીઠ રૂપિયા 700 ચૂકવવામાં આવ્યાં. આમ કોંગ્રેસના આ દાવથી વલસાડ જિલ્લાના રાજકારણમાં ગરમાવો જોવા મળ્યો હતો.