રાજ્યભરમાં 31 માર્ચ સુધી લોકડાઉન જાહેર કરવામાં આવ્યું છે. ત્યારે હવે વડોદરા શહેરમાં પોલીસનો ચૂસ્ત બંદોબસ્ત ગોઠવવામાં આવ્યો છે. ત્યારે શહેરમાં લોકો દ્વારા લોકડાઉનનું પાલન કરવામાં આવી રહ્યું છે. ઉલ્લેખનીય છે કે ગઇકાલે મધ્યરાત્રિથી સમગ્ર રાજ્યમાં લોકડાઉન જાહેર કરવામાં આવ્યું છે.
વડોદરામાં લોકડાઉનનો ચૂસ્તપણે થાય છે અમલ
શહેરના તમામ રસ્તા પર પોલીસને કાફલો તૈનાત
વડોદરામાં પોલીસનું સતત પેટ્રોલિંગ
વડોદરામાં લોકો લોકડાઉનનું કરી રહ્યાં છે પાલન
રાજ્યભરમાં પોલીસ વડા શિવાનંદ ઝા દ્વારા 31 માર્ચ સુધી લોકડાઉન જાહેર કરવામાં આવ્યું હતું. જેને લઇને વડોદરા શહેરમાં લોકો દ્વારા લોકડાઉનનું પાલન કરવામાં આવી રહ્યું છે. લોકડાઉનને લઇને વડોદરામાં રસ્તાઓ સૂમસામ જોવા મળી રહ્યાં છે. ત્યારે શહેરમાં પોલીસ દ્વારા સતત પેટ્રોલિંગ કરવામાં આવી રહ્યાં છે.
વડોદરા શહેરમાં લોકડાઉને લઇને શહેરના રસ્તાઓ સૂમસામ થઇ ગયા છે. શહેર પોલીસ દ્વારા સતત લોકોને લોકડાઉનનું ચુસ્ત પાલ કરવા અપીલ કરવામાં આવી રહી છે.
વડોદરાના તમામ માર્ગ પોલીસ દ્વારા સીલ કરવામાં આવ્યાં
લોકડાઉન હોવાના કારણે વડોદરામાં પોલીસનો ચૂસ્ત બંદોબસ્ત ગોઠવવામાં આવ્યો છે. શહેરના તમામ માર્ગને પોલીસ દ્વારા સીલ કરવામાં આવ્યા છે. પોલીસનો મોટા કાફલો રોડ પર ઉતારવામાં આવ્યો છે. બહાર નિકળતા લોકોનું પોલીસ દ્વારા ચેકિંગ કરવામાં આવી રહ્યું છે. ઈમરજન્સી સિવાયના લોકોને પોલીસે ઘરે મોકલ્યા છે.
વડોદરામાં હોમ ક્વોરોન્ટાઈનનો ભંગ કરતા યુવક સામે ફરિયાદ
વડોદરામાં હોમ ક્વોરોન્ટાઈનનો ભંગ કરતા યુવક સામે ફરિયાદ થઈ છે. ભાયલી વિસ્તારમાં 31 વર્ષનો યુવક થાઈલેન્ડથી 11 માર્ચે વડોદરામાં આવ્યો હતો. જેના કારણે તંત્ર દ્વારા 14 દિવસ માટે હોમ ક્વોરોન્ટાઈન્ટ હેઠળ રખાયો હતો.