ગુજરાતમાં કોરોના વાયરસની મહામારીનો પ્રકોપ યથાવત જોવા મળી રહ્યો છે. રાજ્યમાં સૌથી વધારે કોરોનાના પોઝિટિવ કેસો અમદાવાદ અને સુરત શહેરમાં જોવા મળી રહ્યાં છે. ત્યારે હવે વડોદરા શહેરમાં પણ ધીરે-ધીરે કોરોનાના કેસોમાં વધારો જોવા મળી રહ્યો છે. ત્યારે શહેરની 34 હોસ્પિટલોમાં કોરોના માટે ફાળવેલા બેડમાં એકપણ જગ્યા ખાલી ન હોવાના અહેવાલ પ્રાપ્ત થયા છે.
વડોદરામાં કોરોના બન્યો બેકાબૂ
34 હોસ્પિટલોમાં એકપણ બેડ ખાલી નથી
કોરોના માટે ફાળવેલા તમામ બેડ ફુલ થઇ ગયા
રાજ્યભરમાં કોરોના વાયરસના સંક્રમિત કેસોમાં સતત વધારો જોવા મળી રહ્યો છે. ત્યારે વડોદરા શહેરમાં હાલમાં રોજ 75થી વધુ કોરોનાના કેસ સામે આવી રહ્યાં છે. જેને લઇને તંત્ર પણ દોડતું થઇ ગયું છે.
જો કે વડોદરા શહેરમાં વધતા કોરોનાના કેસને લઇને શહેરની 34 હોસ્પિટલોમાં એક પણ બેડ ખાલી નહી હોવાની વિગત પ્રાપ્ત થઇ રહી છે. કોરોના માટે ફાળવેલા તમામ બેડ ફૂલ થઇ ગયા છે. કોરોના દર્દીઓ માટે એકપણ બેડ ખાલી નથી.
વડોદરા શહેરની વાત કરીએ તો અત્યાર સુધીમાં 3296 કેસ નોંધાયા છે. ત્યારે રોજ 75થી વધુ કેસ સામે આવી રહ્યા છે ત્યારે શહેરની સરકારી, ખાનગી અને ટ્રસ્ટની કુલ અંદાજે 44થી વધુ હોસ્પિટલો દર્દીઓથી ફુલ થઇ ગઇ હોવાની જાણકારી પ્રાપ્ત થઇ રહી છે.
ઉલ્લેખનીય છે કે ગઇકાલે વડોદરામાં કોરોનાના વધુ 7 પોઝિટિવ કેસ સામે આવ્યાં હતા. જેને લઇને કોરોનાના દર્દીઓની સંખ્યા વધીને 3296 એ પહોંચી હતી. 559 સેમ્પલમાંથી 77 કેસ પોઝિટિવ આવ્યાં હતા. જ્યારે કોરોનાથી ગઇકાલે વધુ 59 દર્દીઓ સાજા પણ થઇ ગયા હતા. ત્યારે શહેરમાં અત્યાર સુધીમાં કોરોનાથી 2433 દર્દીઓ સાજા થઇ ગયેલા જોવા મળ્યાં છે.