કોરોના / વિશ્વને કોરોનાથી બચાવવા 100માંથી માત્ર આ 8 વૅક્સિન પર સૌથી વધુ મદાર : WHOએ કર્યો ખુલાસો

• WHOના ચીફ ટેડરોઝ અધનોમ ગેબ્રેયેસસનું અનુમાન
• કુલ 100 દાવેદારમાંથી ફક્ત આટલા છે ખાસ
• આ લોકોએ રસી માટે કરી મોટી મદદ

12 થી 18 મહિનામાં કોરોના રસીનું અનુમાન

આરોગ્ય સંસ્થાના ડાયરેક્ટર જનરલે જણાવ્યું હતું કે, "બે મહિના પહેલા, 12 થી 18 મહિનામાં કોરોના રસીની ઉપલબ્ધતા વિશે અનુમાન કરવામાં આવી રહ્યું હતું. પરંતુ રોગચાળાના આ સમયગાળા દરમિયાન, કામ ખૂબ જ ઝડપથી કરવામાં આવ્યું છે.

આ લોકોએ રસી માટે કરી મોટી મદદ, પરંતુ આ રકમ પૂરતી નથી

ટેડરોઝે કહ્યું, 40 દેશોના નેતાઓ, સંગઠનો અને બેંકોએ વાયરસના સંશોધન, સારવાર અને પરીક્ષણ માટે એક અઠવાડિયામાં આશરે 60 હજાર કરોડ રૂપિયા ($ 8 અબજ) ની મદદ કરી છે.  જો કે, તેમણે એમ પણ કહ્યું કે, રસી પરના ખર્ચને ધ્યાનમાં લઈને આ રકમ પર્યાપ્ત નથી. તેઓએ વધુમાં કહ્યું કે અમારે રસી ઉપર ઝડપથી કામ કરવા માટે વધુ પૈસાની જરૂર પડશે. રસી વિકસાવ્યા પછી, તેનું મોટા પ્રમાણમાં ઉત્પાદન કરવું પડશે જેથી વિશ્વના કોઈ પણ ખૂણામાં કોઈ પણ વ્યક્તિ તેનાથી બાકાત ન રહે.

કુલ દાવેદારમાંથી ફક્ત આટલા છે ખાસ

અમારી પાસે હાલમાં લગભગ 100 રસી ઉમેદવારો છે, જેમાંથી 7 અથવા 8 થી વધુ સારા પરિણામની અપેક્ષા રાખી શકાય છે. સારા પરિણામ આપતી તમામ 7-8 રસીઓ પર કાર્ય ઝડપથી પ્રગતિ કરી રહ્યું છે. જો કે, ટોચની રસીમાં કયા વિકલ્પોને ચિહ્નિત કરવામાં આવ્યા છે તે વિશે ટેડરોઝે કોઈ માહિતી આપી નથી. તેમણે કહ્યું, WHO એનિમલ મોડલ્સ વિકસાવવાથી લઈને ક્લિનિકલ ટ્રાયલ્સ બનાવવા માટે વિશ્વભરના હજારો સંશોધકો સાથે ઝડપથી કામ કરી રહ્યું છે.

આટલી મોટી સંખ્યામાં કામ કરી રહ્યા છે વૈજ્ઞાનિકો, અનેક લોકોને કરે છે અસર

ટેડરોઝે કહ્યું કે 400 થી વધુ વૈજ્ઞાનિકોનું જૂથ પણ રસી અને ડાયગ્નોસ્ટિક્સની શોધ માટે સક્રિય છે. ડબ્લ્યુએચઓના વડાએ કહ્યું કે કોરોના એક ખૂબ જ ખતરનાક વાયરસ છે, જેણે અત્યાર સુધીમાં 4 મિલિયનથી વધુ લોકોને અસર કરી છે અને 2,75,000 થી વધુ લોકો મૃત્યુ પામ્યા છે.

આ જગ્યાઓએ ઘટી રહ્યો છે કોરોના

ટેડરોઝે કહ્યું કે પશ્ચિમી યૂરોપમાં કોરોનાના કેસમાં ઘટાડો થઈ રહ્યો છે. પૂર્વી યુરોપ, આફ્રિકા, સાઉથ ઇસ્ટ એશિયા, પૂર્વી ભૂ મધ્ય સાગર અને અન્ય પ્રાંતમાં વાયરસ ઝડપથી વધી રહ્યો છે.