દેશી કોરોના રસીના લોન્ચિંગને હજું ઓછોમાં ઓછી આવતા વર્ષ સુધીની રાહ જોવી પડશે. આ પહેલા રશિયાની કોરોના રસી Sputnik V ભારતમાં ઉપલબ્ધ રહેશે. શરતો સાથે તે રેગ્યુલેટરી ક્લિયરન્સ મેળવી લેશે. દિલ્હીની મેનફાઈન્ડ ફાર્માએ RDIF ની સાથે સ્પુતનિક વી ની ભારતમાં માર્કેટિંગ અને ડિસ્ટ્રિબ્યૂશન માટે ડિલ કરી છે.
ભારતને મળી શકે છે રશિયાની કોરોના રસી
ભારતની કોરોના રસી બને તે પહેલાં રશિયાની કોરોના રસી મળવાની શક્યતા
રશિયાની કોરોના રસી સ્પૂતનિક વીને ભારતમાં વેચવા માટે થયા કરાર
દિલ્હીની મેનફાઈન્ડ ફાર્માએ RDIF ની સાથે સ્પુતનિક વી માટે ડિલ કરી છે પણ તેની ભારતમાં કેટલા ડોઝની ડિલ થઈ છે તે હજું સુધી ક્લિયર નથી થયું. બીજી તરફ ઈઝરાઈલે પોતાનાની કોરોનાની રસીનું Brilife નામ રાખ્યું છે. જેના હ્યુમન ટ્રાયલ ઓક્ટોબરના છેલ્લા અઠવાડિયાથી શરુ થવાના છે. ઈઝરાઈલે ઓગસ્ટમાં દાવો કર્યો હતો કે તેણે કોરોનાની રસી બનાવી લીધી છે.
શનિવારે ડૉ. રેડ્ડી લેબ્સે કહ્યું કે તેમણે ડ્રગ્સ કન્ટ્રોલર જનરલ ઓફ ઈન્ડિયા પાસેથી Sputnik Vના ફેઝ 2 અને 3 ના ક્લિનિકલ ટ્રાયલની મંજૂરી મળી ગઈ છે. મલ્ટી રેન્ટ રેન્ડમાઈઝ્ડ કન્ટ્રોલ ટ્રાયલમાં એ જોવામાં આવી રહ્યું છે કે આ રસી કેટલી અસરકારક અને સલામત છે. આ રસી ગામલેયા નેશનલ ઈન્સ્ટીટ્યૂટ ઓફ એપિડેમિયોલોજી એન્ડ માઈક્રોબાયોલોજીએ તૈયાર કરી છે. Sputnik V દુનિયાની પહેલી એવી રસી છે જે રજિસ્ટર્ડ થઈ છે. હાલમાં રશિયામાં તેના ફેઝ 3નું ટ્રાયલ ચાલી રહ્યું છે
ઈઝરાઈલે કેમ કોરોનાની રસીનું નામ Brilife રાખ્યું. આ રસી ઈઝરાઈલ ઈન્સ્ટિટ્યૂટ ઓફ બાયોલોજિકલ રિસર્ચ (IIBR)એ તૈયાર કરી છે. IIBRના ડાયરેક્ટર જનરલના જણાવ્યાનુંસાર Briનો હિબ્રુ ભાષામાં અર્થ થાય છે સ્વાસ્થ્ય, ilનો અર્થ ઈઝરાઈલ અને જીવન. રસીના પ્રથમ ફેઝનું હ્યુમન ટ્રાયલ 2 સેન્ટર 100 લોકો પર થશે. સુરક્ષિત જણાતા બીજા ફેઝમાં 1 હાજાર લોકો પર ટ્રાયલ કરવામાં આવશે.
ઉલ્લેખનીય છે કે ભારતમાં કોરોનાની રસીને લઈને પીએમ મોદીએ ડિલિવરી અને તેની તૈયારી અંગે જણાવ્યું છે. તેમણે ગ્રાન્ડ ચેલેન્જીસ મીટિંગ 2020ના ઉદ્ઘાટનમાં કહ્યું કે ભારત રસીના વિકાસમાં આગળ છે. આપણે ક્યાંય નહી રોકાઈએ. વેલ એસ્ટ્રાબ્લેશ્ડ રસીની ડિલિવરી સિસ્ટમાં તૈયાર કરવામાં લાગેલા છીએ. આ માટે એક કમિટી બનાવાયી છે જે સમગ્ર બાબત પર ધ્યાન રાખશે.