તૈયારી / આજથી ભારતમાં વેક્સીનની મોક ડ્રિલ, જાણે કેવી રીતે અને કયા રાજ્યોમાં થશે?

ભારતમાં કોરોના વેક્સીનનું કાઉન્ટડાઉન શરુ થઇ જતા જ તૈયારી પણ બે ગણી ઝડપી બનાવી છે. કોરોના વેક્સીનેશનનો માઇક્રો પ્લાન બનીને તૈયાર છે. સરકારી અધિકારી અને અભિયાન સાથે જોડાયેલ સંપૂર્ણ ચક્ર દુનિયાની સૌથી મોટા રસિકરણ અભિયાનની તૈયારીમાં લાગી ગયુ છે. 

 

દેશમાં આવતી કાલથી વેક્સીન માટે ડ્રાઇ રન શરુ થઇ રહી છે. કેન્દ્ર સરકાર પંજાબ, આસામ, આંધ્ર પ્રદેશ અને ગુજરાતમાં મોક ડ્રિલ કરશે. તેનો મતલબ એ છે કે આ વેક્સીન પ્રોગ્રામ લોન્ચ હોવાની પુરી પ્રક્રિયાની મોક ડ્રિલ કરાશે. 

મોક ડ્રિલમાં શું-શું હશે?

જો તેને તબક્કાવાર સમજીએ તો આ એક મોક ડ્રિલ પ્રક્રિયા છે, જેમાં રસી આપવા સિવાય બધી વસ્તુઓનું પરીક્ષણ કરવામાં આવશે. આ અભ્યાસ હેઠળ રસીની આપૂર્તિ કરવી, તપાસ રસીદ અને આવશ્યક ડાટા નાંખવો, વેક્સીન પ્રક્રિયા સાથે જોડાયેલ સમૂહના સભ્યોને તૈનાત કરવા, એખ બીજા વચ્ચે સોશિયલ ડિસ્ટન્સિંગ બનાવી રાખવાની વ્યવસ્થા, કોલ્ડ સ્ટોરેજનું પરીક્ષણ સામેલ હશે. 

 

આ અભ્યાસથી સરકાર એ સમજવા માગી રહી છે કે જ્યારે સાચે વેક્સીનની પ્રક્રિયા શરુ થશે તો કયા પ્રકારના પડકારોનો સામનો કરવો પડશે. 

મોક ડ્રિલમાં શું હશે?

મોક ડ્રિલ જિલ્લા હોસ્પિટલ, સામુહિક આરોગ્ય કેન્દ્ર, ખાનગી હોસ્પિટલમાં આયોજિત કરવામાં આવશે. એટલે કે મોક ડ્રિલના પરિણામોથી આગળની સંપૂર્ણ વેક્સીનના પ્લાનની તૈયારી પર અસર પડશે. આ ડ્રિલના ભાગ બનાનારા રાજ્યો તેને લઇને ઘણા ગંભીર છે. 

બધા રાજ્યમાં વેક્સીનના સ્ટોરેજ, વિતરણ અને રસીકરણને લઇને તૈયારીઓને આખરી ઓપ આપી દેવામાં આવ્યો છે. વેક્સીન કોલ્ડ ચેનને બનાવી રાખવાને લઇને ડીપ ફ્રીજર અને બીજા સાધનોની વ્યવસ્થા કરવામાં આવી છે. વેક્સીનેશન ડ્રાઇવને સંપૂર્ણ રીતે સફળ બનાવા માટે પંસદ કરાયેલા આરોગ્યકર્મીઓને ટ્રેનિંગ આપવામાં આવી રહી છે. 

કેન્દ્રીય આરોગ્ય મંત્રી હર્ષવર્ધને પહેલા જ જાન્યુઆરીમાં ક્યારેય પણ વેક્સીન આવવા અંગે વાત કરી છે. એવામાં સરકાર એ સમજવા ઇચ્છે છે કે તૈયારીઓ કાગળ પર કેટલી છે અને જમીન તેની અસર કેટલી છે. સરકાર હવે રાજ્યમાં આરોગ્ય મંત્રાલયની ટીમ પણ મોકલવા જઇ રહી છે.