દેશમાં કોરોનાની રસી 16 જાન્યુઆરીથી લગાવવામાં આવશે. કેન્દ્ર સરકારે ગત દિવસોમાં એ સ્પષ્ટ કરી દીધુ કે 3 કરોડ સ્વાસ્થ્ય કર્મચારીઓ અને ફ્રન્ટલાઈનર્સના રસીકરણનો ખર્ચ તેઓ ઉઠાવી રહ્યા છે. દેશમાં હાલમાં સીરમ ઈસ્ટીટ્યૂટ ઓફ ઈન્ડિયા દ્વારા નિર્મિત એસ્ટ્રોજેનેકા- ઓક્સફોર્ડને કોવિશીલ્ડ અને ભારતીય બાયોટેક, ICMR અને NIV પૂણે દ્વારા નિર્મિત કોવેક્સીનના ઈમરજન્સી યુઝની મંજૂરી આપવામાં આવી છે. ઉલ્લેખનીય છે કે સોમવારે મહારાષ્ટ્રના પૂણે હવાઈ અડ્ડાથી રસીની પહેલી ખેપ દિલ્હી પહોંચી ગઈ છે.
પ્રત્યેક ડબ્બાનું વજન 32 કિલોગ્રામ
રસીની સિક્યોરિટી કોઈ જેડ પ્લસ સુરક્ષાથી ઓછી નહોંતી
રસીની ચોરી રોકવા ફૂલ પ્રૂફ પ્લાન
કોવિશીલ્ડ રસીની પહેલી ખેપ મંગળવારે સીરમ ઈન્સ્ટીટ્યૂટ ઓફ ઈન્ડિયાથી પૂણે એરપોર્ટથી જવાના થઈ. જ્યાંથી રસીને લઈને પહેલા વિમાને દિલ્હી માટે ઉડાન ભરી. રસીને લઈ જવાના કામ સાથે જોડાયેલા એક સૂત્રએ જણાવ્યું કે તાપમાન નિયંત્રિત 3 ટ્રક આ રસીને લઈ લગભગ 5 વાગ્યાની આસપાસ સીરમ ઈન્સ્ટીટ્યૂટ ઓફ ઈન્ડિયાથી પૂણે એરપોર્ટ માટે રવાના થયા હતા.
પૂર્ણે એરપોર્ટ તરફથી ટ્વીટ કરવામાં આવી, ‘જવા માટે તૈયાર, ભારતની સાથે ઊભા છીએ. વાયરસને ખતમ કરનારી રસીને દેશભરમાં પહોંચડવા વિમાનમાં રાખવામાં આવી છે.’
પ્રત્યેક ડબ્બાનું વજન 32 કિલોગ્રામ
પુણે એરપોર્ટથી આ રસી હવાઈ માર્ગે ભારતના અન્ય ભાગોમાં પહોંચાડવામાં આવશે. રસીને ઈન્સ્ટીટ્યૂટથી રવાના કરતા પહેલા એક પૂજા પણ કરવામાં આવી હતી. સૂત્રોના જણાવ્યાનુંસાર ટ્રકમાં 478 ડબ્બા હતા અને પ્રત્યેક ડબ્બાનું વજન 32 કિલોગ્રામ છે.
રસીની સિક્યોરિટી કોઈ જેડ પ્લસ સુરક્ષાથી ઓછી નહોંતી
મહામારીથી પરેશાન દેશ માટે રસી સોનાથી જરાય ઓછી નથી. તેવામાં તેની સિક્યોરીટી પણ કડક હતી. રસી લોડેડ ટ્રક્સની સિક્યોરિટી કોઈ જેડ પ્લસ સુરક્ષાથી ઓછી નહોંતી દેખાઈ. ટ્રક્સની આગળ અને પાછળ પોલીસની ગાડીઓ હાજર હતી.
રસીની ચોરી રોકવા ફૂલ પ્રૂફ પ્લાન
કંપનીઓ, લોજિસ્ટિક્સ ફર્મો, સરકાર અને તમામ હોસ્પિટલ પ્રસાશનો તેની ચોરીને રોકવા માટે ફુલપ્રુફ પ્લાન તૈયાર કરી રહ્યા છે. એટલું જ નહીં સરકાર અને રસી નિર્માતાએ એ વાતની આશંકાને લઈને સતર્ક છે કે કોઈ આ રસીના નામ પર બ્લેક માર્કેટિંગ અથવા છેતરપિંડી શરુ ન કરે.
નબળી કડી પર કડક બંદોબસ્ત
રસી મેન્યુફેક્ચરિંગ, સપ્લાય ચેનમાં સંકળાયેલા લોકો અને લોજિસ્ટિક ફર્મ્સ રસીકરણની નબળી કડીઓને લઈને આશંકિત છે. તેમનું માનવું છે કે રસીના વિતરણ કેન્દ્ર, ગોડાઉન, ટ્રક સ્ટોપ અને હોસ્પિટલોમાં સખત સુરક્ષા સમગ્ર પ્રક્રિયાની નબળી કડી છે. લોજિસ્ટિક્સ અને ટ્રાન્સપોર્ટેશન કંપનીઓ સંપૂર્ણ સુરક્ષાની દિશામાં તેજીથી કામ કરી રહી છે. જેથી જલ્દીથી જલ્દી આ નબળી કડી પર નિયંત્રણ મેળવી શકાય.
Maharashtra: Three trucks loaded with Covishield vaccine leave for the airport from vaccine maker Serum Institute of India's facility in Pune. pic.twitter.com/S8oYq6mMgN
કોવિડ 19ની રસીની વધારે માંગ અને મર્યાદિત ઉપલબ્ધતાના કારણે આની ચોરી અથવા દુરઉપયોગના કોઈ પણ પ્રયાસને રોકવા માટે સિસ્ટમને તૈયાર કરવી જોઈએ. રાજ્ય,જિલ્લા અને બ્લોક સ્તરીય ટાસ્ક ફોર્સમાં ડ્રગ કન્ટ્રોલરના કાર્યાલય પ્રત્યે એક પ્રતિનિધિઓને સામિલ કરવા જોઈએ. ગોડાઉનમાં રસીની સીસીટીવી, મેન્યુઅલ સર્ચ અને એક્સેસ માટે ફિંગરપ્રિન્ટનો ઉપયોગ કરવાની યોજના છે કે ઓટેમેટેડ લોગર્સ લગાવવામાં આવશે. જેથી તાપમાન પર સતત નદર રાખી શકાય. આ દર 3 સેકન્ડ પર સેન્ટ્રલ યૂનિટને સંદેશ મોકલશે.
ક્યાં ક્યાં વેક્સિનની ડિલિવરી થશે
દેશભરમાં 41 ડેસ્ટિનેશનની ઓળખ કરવામાં આવી છે જ્યાં વેક્સિન ડિલિવર કરાશે. ઉત્તર ભારતમાં દિલ્હી અને કરનાલને મીની હબ બનાવવામાં આવ્યું છે. પૂર્વી વિસ્તારોમાં કોલકત્તા અને ગુવાહાટીને મીનિ હબ બનાવાયા છે. ગુવાહાટીને નોર્થ ઈસ્ટને માટે નોડલ પોઈન્ટ બનાવાયું છે. ચેન્નઈ અને હૈદરાબાદ દક્ષિણ ભારત માટે નક્કી પોઈન્ટ્સ છે. આ ઉપરાંત અમદાવાદ, વિજયવાડા, લખનૌ, ચંદીગઢ અને ભૂવનેશ્વર રસી પહોંચાડવામાં આવશે. તો મુંબઈ માટે રસી રોડ માર્ગે રવાના થશે.