હાલમાં ઊંદરો પર પ્રયોગ ચાલી રહ્યો છે, આવતા વર્ષે મનુષ્યો પર ટ્રાયલ
ભવિષ્યથી મહામારીથી બચાવી શકે છે
કોરોના વાયરસ મહામારીનો સામનો કરી રહેલી દુનિયા અલગ અલગ પ્રકારના વેરિયન્ટથી ચિંતિત છે. અલગ અલગ દેશોમાં કોરોનાના ઘણા વેરિયન્ટ સામે આવી રહ્યાં છે જે ચિંતાજનક છે. પરંતુ હવે વૈજ્ઞાનિકોએ તમામ વેરિયન્ટની સામે અસરકારક વેક્સિન બનાવવાનનું શરુ કરી દીધું છે. સાથે ભવિષ્યની મહામારી રોકવામા પણ મદદ કરશે.
અમેરિકાની નોર્થ કેરોલિના યુનિવર્સિટીના વૈજ્ઞાનિકોએ વેક્સિન બનાવી
અમેરિકાની નોર્થ કેરોલિના યુનિવર્સિટીના વૈજ્ઞાનિકોએ કોરોનાના તમામ સ્વરુપોની સામે કારગર નીવડી શકે તેવી વેક્સિન બનાવી છે અને ઊંદરો પર પ્રયોગ શરુ કરી દીધો છે.
વૈજ્ઞાનિકોએ ભવિષ્યની મહામારીની અત્યારથી તૈયારી શરુ કરી
વૈજ્ઞાનિકોએ જણાવ્યું કે ભવિષ્યમાં કયો વાયરસ મહામારી પેદા કરશે તે અંગે સચોટ કંઈ કહી ન શકાય તેથી અત્યારથી તૈયારી કરી રાખવી સારી. નોર્થ કેરોલિના યુનિવર્સટીના વૈજ્ઞાનિકોએ બનાવેલી વેક્સિનને સેકન્ડ જનરેશન વેક્સિન ગણાવાઈ છે જે કોરોના ફેમિલીનો હિસ્સો બનેલા sarbecoviruses પર હુમલો કરે છે. આ કૂળના વાયરસે છેલ્લા બે દાયકામાં તબાહી મચાવી રાખી છે પહેલા સાર્સ અને પછી કોવિડે.
મનુષ્યો પર ટ્રાયલ ક્યારે શરુ થશે
ઊંદરો પર કરવામાં આવેલી ટ્રાયલમાં ઘણી એન્ટીબોડી વિકસીત થઈ છે જે ઘણા સ્પાઈફક પ્રોટીનનો સામનો કરી શકે છે તેમા સાઉથ આફ્રિકામાં ફેલાયેલા B.1.351 વાયરસ પણ સામેલ છે. હાલમાં વૈજ્ઞાનિકોની વેક્સિન ટ્રાયલ ચાલી રહી છે અને બધું સારુ રહ્યું તો આગામી વર્ષે મનુષ્યો પર ટ્રાયલ શરુ થઈ શકે છે.