કોરોના રસીને લઈને કેન્દ્ર સરકારે તાજા જાણકારી આપી છે. સ્વાસ્થ્ય તથા પરિવાર કલ્યાણ મંત્રી ડૉ. હર્ષવર્ધનના જણાવ્યાનુંસાર ભારતમાં જે રસી કેન્ડિડેટ્સ છે તેમાંથી 3 એવી છે જે ફેઝ 1,2 અને 3માં પહોંચી ગઈ છે. હર્ષવર્ધને ગુરુવારે રાજ્યસભામાં જણાવ્યું કે પીએમ નરેન્દ્ર મોદીના માર્ગદર્શન હેઠળ એક્સપર્ટનું એક ગ્રુપ બન્યું છે જે રસી સાથે જોડાયેલા ડેવલપમેન્ટ્સ પર નજર રાખી રહ્યું છે. તેમણે આશા વ્યક્ત કરી છે કે આવનારા વર્ષની શરુઆતમાં ભારતની અંદર કોરોનાની રસી ઉપલબ્ધ થવી જોઈએ.
ડૉ. હર્ષવર્ધને કહ્યું કે ભારતમાં 3 રસી કેન્ડિડેટ્સ ફેઝ 1,2 અને 3માં પહોંચી ગઈ છે
Covaxin સંપૂર્ણ દેશી છે અને ફેઝ 2નું ટ્રાયલ ચાલુ છે
સીરમ ઈન્સ્ટિટ્યૂટ કરી રહ્યું છે કોવિશીલ્ડનું ટ્રાયલ
ફેઝ 1 ટ્રાયલમાં છે Zydusની આ રસી
હર્ષવર્ધને કહ્યું કે આપણે દુનિયાની એ ગણ્યા ગાંઠ્યા દેશોમાંથી છીએ જેમણે આ વાયરસને આઈસોલેટ કર્યા છે. જોકે મંત્રીએ તાકીદ કરતા કહ્યું કે રસી જ્યારે આવશે ત્યારે જાદૂની જેમ 1 મિનિટમાં135 કરોડ લોકોને સતત ઈમ્યુનિટી નહીં આપી શકે. હર્ષવર્ધને કહ્યું કે તે રસીને તૈયાર કરવામાં સમય લાગશે. જો કે હર્ષવર્ધને એ નહોંતુ જણાવ્યું કે તે કઈ 3 રસી કેન્ડિડેટ છે જે ડેવલપમેન્ટમાં છે. પરંતુ ભારતમાં કોરોનાની અનેક રસી ડેવલપ થઈ રહી છે. તેમાંથી ટોપ દ કઈ છે આવો જાણીએ....
Covaxin સંપૂર્ણ દેશી છે અને ફેઝ 2નું ટ્રાયલ ચાલુ છે
ICMR અને ભારત બાયોટેકે મળીને આ રસી તૈયાર કરી છે. પુણેના નેશનલ ઈન્સ્ટીટ્યૂટ ઓફ વાયરોલોજીમાં કોરોનાના એક સ્ટ્રેનને આઈસોલેટ કરી કોવાક્સીન બની છે. રસી ફેઝ 1 પુરુ કરી ચૂકી છે અને ફેઝ -2નું ટ્રાયલ ચાલું છે. આ સ્વદેશી રસી છે
ફેઝ 1 ટ્રાયલમાં છે Zydusની આ રસી
ઝાયડસ કેડિલા હેલ્થકેરની રસી ZyCov-Dનું ફેઝ 1નું હ્યુમન ટ્રાયલ ચાલી રહ્યું છે. ડ્રગ્સ કન્ટ્રોલર જનરલ ઓફ ઈન્ડિયાએ દેશમાં બનેલી આ રસીને જુલાઈમાં હ્યુમન ટ્રાયલની પરવાનગી આપી હતી. આ રસિ અમદાવાદના વેક્સીન ટેક્નોલોજી સેન્ટરમાં ડેવલપ કરવામાં આવી છે. કંપનીએ કહ્યું તેમને ક્લિનીટક ટ્રાયલમાં સારા પરિણામ મળ્યા છે.
સીરમ ઈન્સ્ટિટ્યૂટ કરી રહ્યું છે કોવિશીલ્ડનું ટ્રાયલ
ICMRના ડિરેક્ટર બલરામ ભાર્ગવના જણાવ્યાનુંસાર સીરમ ઈન્ટિટ્યૂટ ઓફ ઈન્ડિયા રસીના ફેઝ 3નું ટ્રાયલ ચાલી રહ્યું છે. આ રસી ઓક્સફોર્ડ યૂનિવર્સિટી અને ફાર્મા કંપની અસ્ત્રોજેનેકાએ મળીને તૈયાર કરી છે. સીરમ 14 જગ્યાએ દોઢ હજાર લોકો પર ટ્રાયલ કરી રહ્યું છે. આનું કોડનેમ ChAdOx1-S છે. અમેરિકા, બ્રિટન, બ્રાઝિલ સહિત અનેક દેશમાં આનું ટ્રાયલ ચાલું છે.