કોરોના વાયરસ / કોરોના વેક્સિનને લઇને હવે નવા વર્ષના પહેલા દિવસે મળી શકે છે સારા સમાચાર, SECની બેઠકમાં લેવાશે આ નિર્ણય

• વેક્સિન માટે હજુ થોડા દિવસોની રાહ જોવી પડી શકે છે
• SECએ આ મામલે 1 જાન્યુઆરીએ ફરી બેઠક બોલાવી
• ઇમરજન્સી ઉપયોગની અપીલ પર વિચાર કરવા માટે બેઠક બોલાવી

સેન્ટ્રલ ડ્રગ્સ સ્ટેન્ડર્ડ કંટ્રોલ ઑર્ગેનાઇઝેશન(CDSCO)ની સબ્જેક્ટ એક્સપર્ટ કમિટી તરફથી આજે બુધવારે ફાઇઝર, સીરમ ઇન્સ્ટીટ્યૂટ ઓફ ઇન્ડિયા અને ભારત બાયોટેક પ્રાઇવેટ લિમિટેડના ઇમરજન્સી ઉપયોગની અપીલ પર વિચાર કરવા માટે બેઠક બોલાવી હતી.

જોકે, ફાઇઝર તરફથી વધુ સમય માંગવાની અપીલ કરાઇ હતી. સીરમ ઇન્સ્ટીટ્યૂટ અને ભારત બાયોટેક પ્રાઇવેટ લિમિટેડ તરફથી વધુ ડેટા અને જાણકારી આપવામાં આવી જેને લઇને SEC દ્વારા વિશ્લેષણ શરૂ કરવામાં આવ્યું. SEC તરફથી વધુ ડેટા અને માહિતીને લઇને વિશ્લેષણ ચાલી રહ્યું છે. હવે SEC શુક્રવારે 1 જાન્યુઆરીએ ફરીથી આ મામલે બેઠક કરશે.

આ પહેલા સૂત્રોના હવાલાથી કહેવામાં આવ્યું હતું કે, ભારતમાં બુધવારે કોવિશીલ્ડ વેક્સિનને મંજૂરી મળી શકે છે. શરૂઆતમાં આ વેક્સિનને ઇમરજન્સી ઉપયોગ માટે મંજૂરી અપાઇ શકે છે કારણ કે બ્રિટેનમાં ઑક્સફોર્ટ યુનિવર્સિટીની વેક્સિનને મંજૂરી મળી ગઇ છે અને કોવિશીલ્ડ વેક્સિન આનાથી જ જોડાયેલ છે. તેવામાં ભારતમાં આની મંજૂરી મળવાની આશા વધી ગઇ છે. જોકે તેના માટે હવે 1 જાન્યુઆરી સુધી રાહ જોવી પડશે.

કોવિશીલ્ડ વેક્સિન વિશે જાણો

• ઓક્સફર્ડ યુનિવર્સિટી દ્વારા આ રસીનું સંશોધન થયું છે
• ભારતમાં ઓક્સફર્ડની વેક્સિનનું નામ કોવિશિલ્ડ છે
• ઓક્સફર્ડે એસ્ટ્રાઝેનેકા બાયોફાર્માસ્યૂટિક કંપની સાથે કરી છે પાર્ટનરશિપ
• ભારતની સીરમ ઈન્સ્ટીટ્યૂટ કોવિશિલ્ડનું કરી રહી છે ઉત્પાદન
• કોવિશીલ્ડ ભારતમાં બનનારી પહેલી ત્રણ રસીમાંની એક છે
• પુનાની સીરમ ઈન્સ્ટીટ્યુટ ઓક્સફર્ડ દ્વારા સંશોધિત આ રસીનું ઉત્પાદન કરી રહી છે
• ઓક્સફર્ડ,એસ્ટ્રાઝેનકા અને સીરમ ઈન્સ્ટીટ્યુટ એમ ત્રણેય સંસ્થાઓ વચ્ચે છે ભાગીદારી
• કોવિશીલ્ડ બાળકોથી લઈ વૃદ્ધમાં અસરદાર જોવા મળી છે
• શરૂઆતના પરિણામમાં લક્ષણ વગરના લોકોને સંક્રમણનો ખતરો ખુબ જ ઓછો
• અન્ય વેક્સિન કરતા કોવિશિલ્ડને સ્ટોર કરવી છે ખુબ જ સરળ 
• કોવિશીલ્ડને સામાન્ય તાપમાનમાં પણ સ્ટોર કરી શકાય છે
• કોવિશીલ્ડની કિંમત અન્ય વેક્સિન કરતા ઘણી ઓછી હશે
• એક ડોઝની કિંમત 500 રૂપિયાથી 1 હજાર રૂપિયા હોવાની સંભાવના
• સરકારને સીરમ ઈન્સ્ટીટ્યૂટ કોવિશિલ્ડ વેક્સિન 220થી 300 રૂપિયામાં આપશે
• દરેક વ્યક્તિને વેક્સિનના બે ડોઝની જરૂરિયાત પડશે
• બ્રિટને ઓક્સફર્ડ-એસ્ટ્રાઝેનેકાની આ રસીને મંજૂરી આપી દીધી છે
• 6ઠ્ઠી ડિસેમ્બરે સીરમ ઈન્સ્ટીટ્યુટે ઈમરજન્સી ઉપયોગ માટે સરકારને અરજી કરી હતી

કોવેક્સિન વિશે જાણો                    

• કોવેક્સિન ભારતમાં બની રહેલી કોરોનાની રસીનું નામ છે
• ભારતનું સૌથી મોટું પરિક્ષણ કોવેક્સિન માટે શરૂ થયું છે
• ભારત બાયોટેક નામની કંપની આ રસી બનાવી રહી છે
• કોવેક્સિનનું પહેલા અને બીજા તબક્કાનું સફળ પરિક્ષણ પૂર્ણ થઈ ચૂક્યું છે
• ત્રીજા તબક્કામાં રસીનું માનવ પરિક્ષણ શરૂ થયું છે
• ત્રીજા તબક્કામાં કુલ 26 હજાર વોલંટિયર્સ પર કોવેક્સિનનું પરિક્ષણ થવાનું છે
• 26 હજારમાંથી અમદાવાદમાં 1 હજાર લોકો પર કોવેક્સિનનું પરિક્ષણ થશે
• 26 હજાર લોકોને 28 દિવસમાં 2 વાર રસી આપવામાં આવશે
• કંપની અને સંશોધકોને એ જાણ નહી થાય કે રસી ક્યા સમૂહને અપાઈ છે
• સરકારના ICMR અને NIVના સહયોગથી ભારત બાયોટેક આ રસી બનાવી રહી છે
• ભારત બાયોટેકે કોવેક્સિન 60 ટકા અસરકારક હોવાનો દાવો કર્યો છે
• વોલંટિયરમાં 50 ટકાને કોવેક્સિન અને 50 ટકાને પ્લેસબો અપાશે
• એટલે કે પ્લેસબો ઓછા અસરવાળી રસી હશે અને કોવેક્સિન વધુ અસરવાળી રસી હશે
• બન્ને પ્રકારની રસી આપ્યા પછી દર્દીઓના પરિક્ષણને આધારે રસીની અસરકારકતા નક્કી થશે
• કોવેક્સિન બનાવવા માટે ભારત સરકાર સીધી રીતે ભાગીદાર છે
• અમદાવાદના સોલામાં 1 હજાર લોકો પર કોવેક્સિનનું પરિક્ષણ થવાનું છે
• ત્રીજા તબક્કામાં માનવ પરિક્ષણ સફળ રહે તો જલદીથી આ રસી આપણને મળશે
• રસી મળશે કે નહી તે આ ત્રીજા તબક્કાના પરિક્ષણના આધારે નક્કી થશે
• રસીના માનવ પરિક્ષણમાં ગુજરાત પણ ભાગીદાર થઈ રહ્યું છે

વેક્સિનનું મહત્વ શું છે?

• વેક્સિન બનાવવાની પ્રક્રિયા ખુબ જ જટિલ હોય છે
• અનેક પ્રકારના ટ્રાયલમાંથી પસાર થયા બાદ વેક્સિન બજારમાં આવે છે
• સામાન્ય રીતે એક વેક્સિન બજારમાં આવતા એવરેજ 10 વર્ષ લાગી જાય છે
• દરેક ઉંમરના લોકો પર કરવામાં આવશે ખાસ ટ્રાયલ
• કોઈ રોગ કે બિમારી સામે લડવા માટે આપવામાં આવે છે વેક્સિન 
• વેક્સિનથી બિમારી સામે લડવા માટે શરીરમાં એન્ટીબોડી એક્ટિવ થાય છે
• એન્ટીબોડી શરીરમાં ડેવલોપ થયા બાદ કોઈ ચેપ લાગવાનો ભય ઘટી જાય છે
• કોરોના જેવી સૌથી વધારે સ્પ્રેડ થતી મહામારીને હરાવવા માટે વેક્સિન જ છે જરૂરી