કોરોના વાયરસ વિશ્વમાં ફેલાઈ રહ્યો છે ત્યારે WHOએ તેને રોગચાળો જાહેર કર્યો છે. કોરોનાથી અત્યાર સુધીમાં 7000થી વધુ લોકોએ જીવ ગુમાવ્યો છે. યુએસમાં પણ કોરોના વાયરસથી 60થી વધુ લોકોનાં મોત નીપજ્યાં છે. અમેરિકાએ કોરોના વાયરસની રસીનું પરીક્ષણ શરૂ કર્યું છે. આ રસીનો ઉપયોગ સોમવારે પ્રથમ વ્યક્તિ પર કરવામાં આવ્યો છે. રાષ્ટ્રપતિ ડોનાલ્ડ ટ્રમ્પે પણ તેની પ્રશંસા કરતાં કહ્યું કે તે વિશ્વભરમાં વહેલી તકે વિકસિત કરવામાં આવેલી રસી છે.
અમેરિકામાં શરૂ થયું કોરોના વાયરસની રસીનું પરીક્ષણ
45 લોકોને રસીનો પહેલો ડોઝ આપવામાં આવ્યો
વિશ્વમાં હાલ સુધી કોરોનાના કારણે 7000થી પણ લોકોના મૃત્યુ
US President: I'm pleased to report that a vaccine candidate has begun the phase-1 clinical trial, it's one of the fastest vaccine development launches in history. We're also racing to develop anti viral therapies & other treatments, we have some promising early results. #COVID19pic.twitter.com/IPc6hCgb9t
અમેરિકા કોરોના વાયરસની રસી બનાવવાની તૈયારીઓમાં લાગી ચૂક્યું છે. કૈઝર પરમેનન્ટ વોશિંગ્ટન રિસર્ચ ઈન્સ્ટિટ્યૂટે બનાવેલી કોરોના વાયરસ રસીનું પરીક્ષણ સોમવારે શરૂ થયું હતું. તેમાં 45 લોકોનો સમાવેશ કરવામાં આવ્યો હતો. આ લોકોને રસીનો પહેલો ડોઝ આપવામાં આવ્યો હતો. ઉલ્લેખનીય છે કે વિશ્વભરમાં કોરોના વાયરસથી 7000થી વધુ લોકોના મોત થયા છે. જેને લઈને દરેક જગ્યાઓએ તૈયારીઓ શરૂ કરી દેવામાં આવી છે. નિષ્ણાંતોના મતે વેક્સિનને બજારમાં આવતા 18 મહિનાનો સમય લાગી શકે છે. આ રસીનું પરીક્ષણ 18 થી 55 વર્ષના લોકો પર કરાયું છે. રિસર્ચથી વેક્સિનનો કોઇ દુષ્પ્રભાવ છે કે નહીં તે જાણી શકાશે. જો અમેરિકાની વેક્સિન સફળ થાય તો વિશ્વના અનેક લોકોને રાહત થશે.
મળી શકે છે રાહતનો શ્વાસ
સોમવારે એક વ્યક્તિ પર વેક્સિનનું પરીક્ષણ કરાયું હતું. ચીનથી વિશ્વભરના 141 દેશોમાં ફેલાયેલા કોરોના વાયરસની દવા હજુ સુધી વિકસિત નથી કરાઇ. એવામાં જો અમેરિકાની આ વેક્સિન સફળ સાબિત થાય તો લોકો રાહતની શ્વાસ લેશે. જો કે આ ટેસ્ટમાં હજુ સમય લાગશે. 45 લોકો પર આ ટેસ્ટિંગ કરવામાં આવી રહ્યો છે.
જેનિફર હેલર 43 વર્ષીય મહિલા પણ પરીક્ષણમાં ભાગ લેશે. તેમણે કહ્યું, અમે ખૂબ જ અસહ્ય લાગણી અનુભવી રહ્યા હતા પરંતુ આ રીતે જો આપણે કોઈના ઉપયોગમાં આવીએ તો તે આપણું સૌભાગ્ય છે.' આ રસીને કોડ નામ mRNA -1273 આપવામાં આવ્યું છે. માત્ર અમેરિકા જ નહીં, વિશ્વના ઘણા દેશો કોરોના વાયરસની રસી બનાવવામાં વ્યસ્ત છે. આમાં રશિયા ચીન અને દક્ષિણ કોરિયા પણ સામેલ છે.