વખાણ / ભારતની વેક્સીને જીત્યું દુનિયાનું દિલ, હવે અન્ય 49 દેશોને કરશે સપ્લાય

• કોરોના મહામારીમાં ભારતે જીત્યું દુનિયાનું દિલ
• 22.9 મિલિયન ડોઝ વેક્સીન ફ્રેન્ડશીપના આધારે વહેંચ્યા
• અન્ય 49 દેશને ડોઝ સપ્લાય કરવાની તૈયારીમાં છે ભારત

કોરોનાની લડાઈમાં ગરીબ દેશોને લાખોની સંખ્યામાં વેક્સીનના ડોઝ આપવા માટે ભારતના દુનિયાભરમાં વખાણ થઈ રહ્યા છે. આ સાથે અનેક અમીર દેશ પોતાના નાગરિકો માટે વેક્સીનના ડોઝ જમા કરી રહ્યા છે. ભારતે પાડોશી દેશોને વેક્સીનનો સપ્લાય કર્યા બાદ હવે તે કેરેબિયાઈ દેશોને વેક્સીન આપી રહ્યું છે. 

બ્લૂમબર્ગના રિપોર્ટમાં સામે આવી આ વાત

રિપોર્ટના આધારે કોરોનાની લડાઈમાં કેરેબિયાઈ દેશ પાછળ રહી ગયા છે પરંતુ ભારતની તરફથી તેમને વેક્સીનના સપ્લાયની મદદ કરાશે. ભારત સરકારે હાલમાં પાડોશી દેશો નેપાળ, બાંગ્લાદેશ, શ્રીલંકા, મ્યાનમાંર, સેશેલ્સ અને માલદીવને વેક્સીનનો સપ્લાય આપ્યો છે અને આ દેશોને વેક્સીન વેચી પણ છે. ભારતમાં બનેલી વેક્સીન અન્ય દેશોને ચીનની વેક્સીનની સરખામણીએ વિકલ્પ આપી રહી છે. બીજિંગ પણ પોતાની વેક્સીનને આખી દુનિયામાં વેચવાની કોશિશમાં છે. 

હવે આ દેશોને વેક્સીનના ડોઝ આપશે ભારત

વિદેશ મંત્રાલયના આધારે ભારતની યોજના હવે લેટિન અમેરિકા, કેરેબિયાઈ દેશો, એશિયા અને આફ્રિકા મહાદ્વીપની સાથે કુલ 49 દેશમાં વેક્સીનનો સપ્લાય કરવાની છે. આ વેક્સીન ફ્રીમાં આપવામાં આવશે. ભારતે વેક્સીન ફ્રેન્ડશીપના આધારે 22.9  મિલિયન વેક્સીન ડોઝ વહેંચ્યા છે. દેમાંથી 64.7 લાખ ડોઝ અનુદાનમાં આપ્યા છે. ભારતે ડોમિનિકાને 70 હજાર ડોઝ આપ્યા છે. આ સાથે 30,000 ડોઝ ગિફ્ટમાં આપ્યા છે. વેક્સીનના આ ડોઝ ડોમિનિકાી આબાદી માટે પૂરતા છે. ભારતે સંયુક્ત રાષ્ટ્ર શાંતિ મિશન માટે 2 લાખ ડોઝને ગિફ્ટ આપવાનો વાયદો કર્યો છે. 

દુનિયાભરમાં થઈ રહ્યા છે ભારતના વખાણ

ભારતની વેક્સીન ડિપ્લોમસીના દુનિયાભરમાં વખાણ થઈ રહ્યા છે. આંતરરાષ્ટ્રીય નેતાઓ અને ઈન્ટરનેશલ મીડિયાએ પણ ભારતના દિલ ખોલીને વખાણ કર્યા છે. વૈશ્વિક વેક્સીન ડિપ્લોમસીની રેસમાં ભારત સૌને ચોંકાવીને લીડ બનીને સામ આવી રહ્યું છે. એક રિપોર્ટમાં કહેવાયું છે કે ભારત દુનિયાના બેજોડ વેક્સીન નિર્માતા પોતાના પાડોશી દોસ્તો અને ગરીબ દેશોને કરોડોની સંખ્યામાં વેક્સીન આપી રહ્યું છે ભારત ચીનને કાઉન્ટર કરવાની કોશિશ કરી રહ્યું છે. તેણે કોરોના વાયરસ  વેક્સીનને વૈશ્વિક સંબંધોમાં કેન્દ્રમાં રાખી છે.