બ્રિટન ફાઈઝર / બાયોએનટેક દ્વારા તૈયાર કરાયેલી વેક્સીનનો પ્રયોગ કરનારો પહેલો દેશ બનવા જઈ રહ્યો છે. સરકારે કહ્યું છે કે સૌથી પહેલાં વેક્સીન હોસ્પિટલોમાં અપાશે અને પછી ક્લિનિક પર પહોંચાડાશે. ખાસ પ્રકારની તૈયારી સાથે વેક્સીનેશન આજથી શરૂ કરાશે અને 21 દિવસ બાદ તેનો બીજો ડોઝ પણ આપવામાં આવશે.
બ્રિટનમાં આજથી શરૂ થશે કોરોના વેક્સીનેશન
સૌથી પહેલાં વેક્સીન હોસ્પિટલોમાં અપાશે
21 દિવસ બાદ તેનો બીજો ડોઝ અપાશે
દેશમાં મંગળવારથી વેક્સીનેશન શરૂ કરાશે. બ્રિટનના સ્વાસ્થ્ય સેવા ટીકાકરણમાં 80 વર્ષથી વધારે ઉંમરના લોકો, સ્વાસ્થ્ય સેવા કર્મચારીઓ અને ફ્રન્ટ લાઈન વર્કર્સને પ્રાથમિકતા અપાશે. બ્રિટન ફાઈઝર વેક્સીનની આપાતકાલીન સ્થિતિમાં ઉપયોગની મંજૂરી મેળવી ચૂક્યું છે. આવું કરનારો આ પહેલો દેશ બન્યો છે. કોરોનાથી લડલવા માટે થનારા વેક્સીનેશનને લઈને કહેવાયું છે કે આ અત્યાર સુધીના ઈતિહાસમાં સૌથી મહત્વનો કાર્યક્રમ હશે.
આ જગ્યાઓએ શરૂ કરાશે કોરોના વેક્સીનેશન
ઈંગ્લેન્ડમાં 50 હોસ્પિટલોમાં શરૂઆતમાં વેક્સીનના સંચાલન માટે હબના રૂપમાં તૈયારી થઈ છે. સ્કોટલેન્ડ, વેલ્સ અને ઉત્તરી આર્યલેન્ડમાં પણ આજથી વેક્સીનેશન શરૂ કરાશે. દક્ષિણ લંડનમાં પણ ક્રોયડન વિશ્વવિદ્યાલય હોસ્પટલ રવિવારે વેક્સીનની ડિલિવરી લેનારું બ્રિટનનું પહેલું હોસ્પિટલ બન્યું છે.
એક અઠવાડિયામાં વેક્સીનના 8,00,000 ડોઝ અપાશે
વેક્સીનના લગભગ 8 લાખ ડોઝ આવનારા અઠવાડિયા સુધીમાં યૂકેમાં મળવાની આશા છે. જો કે સરકારે અત્યાર સુધી 4 કરોડ વેક્સીનના ડોઝનો ઓર્ડર આપ્યો છે. 2 કરોડ લોકો માટે આ ડોઝ પૂરતા છે. બીજો ડોઝ 21 દિવસ બાદ આપવામાં આવશે તેમ સરકારે જણાવ્યું છે.
વેક્સીન મૂકાવનારા માટે જાહેર કરાશે કાર્ડ
બ્રિટનમાં કોરોના વેક્સીન લગાવનારા મામટે કાર્ડ જાહેર કરાશે. જેમાં દર્દીનું નામ, એડ્રેસ અને વેક્સીનનો બેટ નંબર હશે. રિપોર્ટના આધારે દરેક સંક્રમિતને ફાઈઝર વેક્સીનના 2 ડોઝ અપાશે. ફરી વખત આવતી સમયે કાર્ડ સાથે લાવવાનું રહેશે.
આ રીતે કરાશે વેક્સીનેશન, જાણો પ્રક્રિયા
વૃદ્ધ લોકોની સેવા કરવા કેયર હોમ્સમાં રહેતા લોકો
80 વર્ષથી વધારે ઉંમરના લોકો, ફ્રન્ટ લાઈન વર્કર્સ અને સોશ્યલ કેર વર્કર્સ
75 વર્ષ કે તેનાથી વધારે ઉંમરના લોકો
70 વર્ષ કે તેનાથી વધારે ઉંમરના લોકો અને મહામારીનો શિકાર બનવાની શક્યતા વાળા લોકો
65 વર્ષ કે તેનાથી વધારે ઉંમરના લોકો
16-64 વર્ષની ઉંમરના લોકો જેને પહેલાંથી કોઈ ગંભીર બીમારી છે
60 વર્ષ કે તેનાથી વધુ ઉંમરના લોકો
55 વર્ષ કે તેનાથી વધુ ઉંમરના લોકો
50 વર્ષ કે તેનાથી વધુ ઉંમરના લોકો