મહામારી / સુરતના કોરોના વોરિયર્સ માટે મહત્વના સમાચાર, વેક્સીન લેવાની આખરી તારીખ જાહેર

• સુરતમાં કોરોના વોરિયર્સને અપાશે વેક્સીન
• ફ્રન્ટલાઈન વોરિયર્સ માટે છેલ્લી તારીખ જાહેર
• 25 થી 28 ફેબ્રુઆરી દરમિયાન અપાશે વેક્સીન

ઉલ્લેખનીય છે કે, 25 થી 28 ફેબ્રુઆરી સુધીમાં ફ્રન્ટલાઈન કોરોના વોરિયર્સને રસી લઈ લેવાના આદેશ અપાયા છે. આ તારીખો રજીસ્ટર્ડ વર્કર માટે જાહેર કરવામાં આવી હતી. 

રસી લીધાના 28 દિવસ બાદ બીજો ડોઝ આપવામાં આવશે 

એવા પણ આદેશ આપવામાં આવ્યા છે કે, પ્રથમ ડોઝ લેનારને 28 દિવસ બાદ બીજો ડોઝ આપવામાં આવશે. જે કોરોના વોરિયર્સ રજીસ્ટર્ડ થયાં છે અને વેક્સિન લેવાથી વંચિત રહ્યા છે તેમને કોરોનાની રસી આપવામાં આવશે.

રવિવારે રાજ્યમાં 283 નવા કેસ નોંધાયા છે 

ગત 24 કલાક દરમિયાન કોરોનાના 283 નવા કેસ સામે આવ્યા છે. આજે 264 દર્દીઓ સાજા થયાં અને અત્યાર સુધીમાં કુલ 2,61,009 દર્દીઓ સાજા થયાં છે. રાજ્યમાં તો હાલ 1690 એક્ટિવ કેસ છે. જેમાં 29 દર્દીઓ વેન્ટિલેટર પર છે.

સાજા થવાનો દર 97.72 ટકા 

રાજ્યમાં કોરોનાથી સાજા થવાનો દર 97.72 ટકા થયો છે. 24 કલાકમાં પંચમહાલમાં એક દર્દીનું મોત થયું છે. અત્યાર સુધીમાં કોરોનાથી મૃત્યુ પામનારાઓની સંખ્યા 4405 છે. અમદાવાદ શહેરમાં આજે 66 કેસ નોંધાયા છે. તો મહાનગરોમાં રાત્રિ કર્ફ્યુમાં થોડી રાહત આપવામાં આવી છે. હાલ ચૂંટણીનો માહોલ છે અને પાડોશી રાજ્યોમાં કોરોનાનું સંકટ વધ્યું છે તેથી ગુજરાતને પણ સચેત થઇ જવાની જરરૂ છે.

8 લાખથી વધુ લોકોને અપાઇ ચૂકી છે રસી

અત્યાર સુધીમાં કુલ 8,12,547 વ્યક્તિઓનું પ્રથમ ડોઝ અને 55,409 વ્યક્તિઓના બીઝા ડોઝનું રસીકરણ પૂર્ણ થયું. અત્યાર સુધીમાં રાજ્યમાં એકપણ વ્યક્તિને આ રસીના કારણે ગંભીર આડઅસર જોવા મળી નથી.

કોરોનાની નવી પેટર્નને લઈ ડો.વસંત પટેલે વ્યક્ત કરી ચિંતા

થોડા દિવસ અગાઉ ડો.વસંત પટેલે કહ્યું હતું કે, મહારાષ્ટ્રની જેમ ગુજરાતમાં પણ કેસ વધી શકે છે. આફ્રિકા-બ્રાઝિલનો નવો સ્ટ્રેન ખતરનાક છે. ચૂંટણીના પર્વ દરમિયાન લોકોને ડો.વસંતે અપીલ કરી છે. ચૂંટણીમાં કાર્યકર્તાઓએ નિયમોનો ભંગ કરતા દેખાયા છે, લોકો કોવિડ ગાઇડલાઇનનું પાલન કરે તેવી અપીલ કરી છે.

રાજ્યમાં જાણો કેટલા કેસ નોંધાયા?

અમદાવાદ શહેરમાં 66-ગ્રામ્યમાં 2, વડોદરા શહેરમાં 57-ગ્રામ્યમાં 8, સુરત શહેરમાં 46-ગ્રામ્યમાં 1, રાજકોટમાં 16-ગ્રામ્યમાં 6 અને કચ્છમાં 11 કોરોનાના કેસ નોંધાયા છે.