કોરોના સંકટ / યોગી સરકારનો મહત્વનો નિર્ણય, મજૂરો અને ફેરિયાઓના ખાતામાં કરશે આટલા રૂપિયા જમા

• ઉત્તરપ્રદેશમાં લૉકડાઉનમાં કામકાજ પર થઈ અસર
• યોગી આદિત્યનાથ સરકારે લીધો નિર્ણય
• મજૂરો અને શહેરના વેચાણકર્તાઓને પણ કરશે મદદ

કોરોના વાયરસ મહામારીના સંકટથી લડી રહેલા દેશમાં સતત સરકારની તરફથી મદદ કરવામા આવી રહી છે. ઉત્તરપ્રદેશના મુખ્યમંત્રી યોગી આદિત્યનાથે શુક્રવારે પ્રદેશના મોટા અધિકારીઓની સાથે સમીક્ષા બેઠક કરી છે. તેઓએ ચાર લાખથી વધારે શહેરી વેચાણકર્તાઓને સીધી આર્થિક મદદ પણ ટ્રાન્સફર કરી છે. 

नगर विकास विभाग द्वारा चिन्हित दैनिक कार्य करने वाले विभिन्न श्रेणी के लाभार्थियों को DBT के माध्यम से प्रति लाभार्थी ₹ 1000 धनराशि का भुगतान... https://t.co/h677HyIfEG

— Yogi Adityanath (@myogiadityanath) April 10, 2020

વીડિયો કોન્ફરન્સમાં કરી આ જાહેરાત

વીડિયો કોન્ફરન્સિંગની મદદથી ઉત્તરપ્રદેશના મુખ્યમંત્રી યોગી આદિત્યનાથે મદદ જાહેર કરી છે. જે 4 લાખ 81 હજાર શહેરી વેચાણકર્તાને આપવામાં આવી છે. આ સિવાય 11 લાખ મજૂરોને પણ 1-1 હજાર રૂપિયાની મદદ કરવમાં આવી છે. 

પેન્શનને લઈને પણ લેવાયો મોટો નિર્ણય

યોગી આદિત્યનાથે જાણકારી આપતાં કહ્યું કે મનરેગાની જેમ મજૂરી કરનારા લગભગ 88 લાખ એવા મજૂરો છે જેનું વેતન વધારવામાં આવ્યું છે. જ્યારે 27 લાખથી વધારે મજૂરો છે જેમનું વેતન બાકી હતું. તેને જાહેર કરવામાં આવ્યું છે. યોગી સરકારના આધારે પ્રદેશમાં 87 લાખથી વધુ પરિવારોને સમયથી પહેલાં જ પેન્શન જાહેર કરવામાં આવ્યું છે. જેથી કોઈ મુશ્કેલી ન સર્જાય.

આ સુવિધાઓ પૂરી પાડવામાં આવશે

વીડિયો કોન્ફરન્સિંગમાં યૂપીના મુખ્યમંત્રીએ જાણકારી આપી કે કેન્દ્ર સરકારની તરફથી પ્રદેશને 2 કરોડથી વધારે ખેડૂતોની મદદ પહોંચાડવામાં આવી રહી છે. સાથે જ કેન્દ્રની તરફથી રસોઈ ગેસ, મહિલાઓ અને આર્થિક મદદ અને રાશનની પણ વ્યવસ્થા કરવામાં આવી છે. જેને રાજ્ય સરકાર ફોલો કરશે. 

ઉલ્લેખનીય છે કે યૂપીમાં કોરોના વાયરસના કેસની સંખ્યામાં વધારો થયો છે. આ સંખ્યા 300ને પાર પહોંચી છે. યોગી આદિત્યનાથ પોતે સતત બેઠક કરી રહ્યા છે અને સતત અધિકારીઓના સંપર્કમાં પણ છે. રાજ્ય સરકારે કોરોના સંકટને જોતાં પ્રદેશના 15 જિલ્લાના કોરોના હૉટસ્પોટને સીલ કરવાનં કામ કર્યું છે. તેમાં ગૌતમ બુદ્ધ નગર, મેરઠ, લખનઉ, ગાઝિયાબાદ, કાનપુર જિલ્લા સામેલ છે.