કોરોના વાયરસ / હાઇડ્રૉક્સીક્લોરોક્વીનની સપ્લાઈ પર રાષ્ટ્રપતિ ડોનાલ્ડ ટ્રમ્પે ટ્વિટ કરીને કહ્યું- આને ક્યારેય નહીં ભુલાવી શકાય

• ડોનાલ્ડ ટ્રમ્પના બદલાયા સૂર
• PM મોદીને ગણાવ્યા મહાન
• PM ખુબ સારા નેતાઃ ટ્રમ્પ

ડોનાલ્ડ ટ્રમ્પે કહ્યું કે, કપરી પરિસ્થિતિમાં મિત્રો વચ્ચે વધુ સહયોગની જરૂર પડે છે. હાઈડ્રોક્સીક્લોરોક્વીન પર નિર્ણય લેવા માટે ભારત અને તેના લોકોનો આભાર. આને અમે ક્યારેય નહીં ભુલી શકીએ. આ સહયોગ માટે પ્રધાનમંત્રી મોદીનો આભાર.

Extraordinary times require even closer cooperation between friends. Thank you India and the Indian people for the decision on HCQ. Will not be forgotten! Thank you Prime Minister @NarendraModi for your strong leadership in helping not just India, but humanity, in this fight!

— Donald J. Trump (@realDonaldTrump) April 8, 2020

કોરોના સંકટ સામે ઝઝુમી રહેલા અમેરિકાએ ભારત પાસે મદદ માગી હતી અને હાઈડ્રોક્સીક્લોરોક્વીન દવાની માગ સાથે અમેરિકી રાષ્ટ્રપતિ ડોનાલ્ડ ટ્રમ્પે ધમકી ભર્યું નિવેદન પણ આપ્યું હતું. ટ્રમ્પે કહ્યું હતું કે ભારત દવા સપ્લાય નહીં કરે તો ભારત વિરુદ્ધ કડક પગલા ભરીશું. જોકે હવે 24 કલાકમાં રાષ્ટ્રપતિ ડોનાલ્ડ ટ્રમ્પના સૂર બદલાઈ ગયા. ટ્રમ્પે ભારતની પ્રશંસા કરતા કહ્યું કે ટ્રમ્પે કહ્યું કે પ્રધાનમંત્રી નરેન્દ્ર મોદીએ આ મામલે તેમની મદદ કરી છે અને તે ઘણા સારા છે. ટ્રમ્પે કહ્યું કે મેં PM મોદીને પૂછ્યું કે તેઓ દવા આપશે? ભારતે પોતાની જરૂરિયાત માટે હાઈડ્રોક્સીક્લોરોક્વીન દવાની નિકાસ પર રોક લગાવી હતી, તે યોગ્ય હતું. 

તમને જણાવી દઈએ કે ટ્રમ્પે આ પહેલા હાઈડ્રોક્સીક્લોરોક્વીનના સપ્લાય મુદ્દે ભારતને ધમકી આપી હતી. કે જો ભારત દવાની નિકાસ નહીં કરે તો અમેરિકા જવાબી કાર્યવાહી કરી શકે છે.