Coronavirus / આ દેશની કંપનીએ કોરોનાની દાવાના હ્યુમન ટ્રાયલની જાહેરાત કરી, તેમણે કહ્યું ચાલુ વર્ષે દવા મળશે

• અમેરિકાની કંપનીએ કર્યો દાવો કે બહુ જલ્દી કોરોનાની દવા- રસી મળશે
• આ કંપનીએ પ્રથમ તબક્કાનું ટ્રાયલ શરુ કરી દીધુ છે
• તેમના કહેવા પ્રમાણે ઓસ્ટ્રેલિયામાં હ્યુમન ટ્રાયલ શરુ કરવાની જાહેરાત કરી

બાયોટેકનોલોજી કંપની 'નોવાવૈક્સ' ના મુખ્ય સંશોધનકર્તા ડો.ગ્રિગોરી ગ્લેને જણાવ્યું હતુ કે કંપનીએ પ્રથમ તબક્કાની ટ્રાયલ શરૂ કરી છે જેમાં મેલબોર્ન અને બ્રિસ્બેન શહેરોના 131 સ્વયંસેવકો પર દવાની પરીક્ષણ કરવામાં આવશે.

ગ્લેને 'નોવાવૈક્સ' મેરીલેન્ડ હેડક્વાર્ટરની ઓનલાઇન પ્રેસ કોન્ફરન્સમાં કહ્યું હતુ કે અમે ડ્રગ્સ અને રસીને એકસાથે બનાવવાનો વિચાર એટલા માટે કરી રહ્યા છીએ કે અમે બતાવી શકીએ કે તે આ કેટલી અસર કારક છે અને વર્ષના અંત સુધીમાં આને લોકો માટે  ઉપલબ્ધ કરવી શકીએ.

ઉલ્લેખનીય છે કે ચાઇના, અમેરિકા અને યુરોપમાં લગભગ એક ડઝન પ્રાયોગિક દવાઓ પરીક્ષણના પ્રારંભિક તબક્કામાં છે અથવા તેના પરીક્ષણો શરૂ થવાની તૈયારીમાં છે. જો કે હજી સુધીએ સ્પષ્ટ નથી કે આમાંની કોઈપણ દવાઓ સલામત અને અસરકારક સાબિત થઈ છે કે નહીં. પરંતુ ઘણી દવાઓ જુદી જુદી રીતે કામ કરે છે અને જુદી જુદી ટેક્નોવોજીઓ દ્વારા બનાવવામાં આવી છે. આથી એ બાબતની આશા છે કે આમાંથી અનેક દવા સફળ થઈ શકે છે.

નોવાવૈક્સે ગયા મહિને કહ્યું હતું કે અમે જે દવાઓ બનાવીએ છીએ તેમાં વાયરસને સ્પર્શતા પણ નથી. જોકે આખરે તે રોગપ્રતિ કારક તરીકે કોઈ વાયરસ જેવો દેખાય છે. તેમણે કહ્યું કે આ તે રીત છે જેનાથી નોવાવૈક્સ નેનોપાર્ટિકલ શરદીની દવા બનાવે છે.