Coronavirus / અમેરિકામાં કોરોનાના 24 કલાકમાં 18, 320 નવા કેસ, 256 લોકોના મોત

• અમેરિકામાં હાલ 142,070 લોકો કોરોના ગ્રસ્ત છે જેમાંથી 135, 027 કેસ એક્ટિવ છે
• જ્યારે મરનારનો આંક 2, 483 થયો છે
• અમેરિકામાં મરનારામાંથી 25 ટકા મોત ન્યૂયોર્કમાં થયા છે.

વિશ્વમાં આ જીવલેણ વાયરસના 199 દેશોમાં ફેલાયો છે.  આ વાયરસની ઝપેટમાં વિશ્વના 722,088 લોકો કોરોના ગ્રસ્ત છે. જ્યારે 33, 976 લોકોના મોત નિપજ્યા છે. જેમાં 22 હજારથી વધારો યૂરોપમાં મૃત્યુ પામ્યા છે. જેમાંથી 50 ટકા એકલા ઈટલી- સ્પેનમાં છે. ઈટલીમાં 10,779 લોકોના મોત થયા છે. જ્યારે સ્પેનમાં 6,803 લોકોના મોત નિપજ્યા છે.

અમેરિકામાં જે રીતે કોરોનાના દર્દીઓની તથા આ વાયરસને લીધે મરનારાની સંખ્યામાં વધારો થઈ રહ્યો છે તે ચિંતાજનક છે. અમેરિકામાં આજે સવાર સુધીમાં મરનારાની સંખ્યા2,484 થઈ ગઈ છે. જ્યારે કોરોનાગ્રસ્તની સંખ્યા 142,070 થઈ ગઈ છે. અમેરિકામાં મરનારાઓમાં 25 ટકા તો માત્ર ન્યૂયોર્કના જ છે. જેને પગલે સ્થાનીક નેતાઓના દબાણ અને  ભયાનક માહોલને પગલે ટ્રમ્પે અહીં લોકડાઉન જાહેર કર્યુ હતુ. ઉલ્લેખનીય છે કે ઈટલીમાં એક જ દિવસમાં 800થી વધારે લોકોના મોત નિપજ્યા છે. જોકે અહીં સંક્રમણની અસર ઓછી થઈ છે. પણ મરનારાની સંખ્યા 10,779 થઈ ગઈ છે.

 શનિવારે નવા 19494  દર્દી સામે આવ્યા હતા. એ બાદ  રવિવારે અમેરિકામાં નવા 18, 320 કેસ સામે આવ્યા છે. જયારે 24 કલાકમાં 256 લોકોના મોત નિપજ્યાછે. શનિવાર સુધીમાં મૃતકોની સંખ્યા 2227 હતી જે વધીને કુલ મૃતકઆંક 2484 થયો હતો. 

મહામારીને પગલે વિશ્વમાં હાલ 536, 346 એક્ટિવ કેસ છે જ્યારે 151, 766 લોકો સાજા થઈ ગયા છે. વિશ્વ હાલ સંકટમાંથીપસાર થઈ રહ્યું છે. ત્યારે કોરોના વાયરસના એપી સેન્ટર ચીનના હુબેઈ પ્રાંતના વુહાનમાંથી લોકડાઉન હટાવી દેવામાં આવ્યું છે. બીજી તરફ ચીન તેના માસ્ક અને અન્ય સામગ્રીઓનું વેચાણ કરવાનું શરુ કરી દીધું છે. ત્યારે વિશ્વમાં વાયરસ ચીનનું ષડયંત્ર હોવાનું ચર્ચાઈ રહ્યું છે. સાથે સાથે ચીનના ઓછા આંકડા પર પણ અનેક સવાલો ઊભા થઈ રહ્યા છે.