કોરોના બાળકો પર વધારે અસરકારક ન હોવાની ધારણા ખોટી પડી છે. અમેરિકમાં સીડીસીના આંકડા મુજબ અમેરિકમાં કોરોના શરુઆતથી બાળકોને સંક્રમિત કરી રહ્યો છે.
અમેરિકામાં દર રોજ 17 વર્ષથી ઓછી ઉંમરના 893 બાળકો હોસ્પિટલમાં દાખલ થઈ રહ્યા છે
બાળકોમાં સંક્રમણ વધવાની આશંકા
સીડીસીએ 5 વર્ષ અને તેનાથી વધારે ઉંમરના તમામ લોકોને રસી લગાવવાની સલાહ આપી
અમેરિકામાં દર રોજ 17 વર્ષથી ઓછી ઉંમરના 893 બાળકો હોસ્પિટલમાં દાખલ થઈ રહ્યા છે
કોરોનાને લીધે અમેરિકામાં દર રોજ 17 વર્ષથી ઓછી ઉંમરના 893 બાળકો હોસ્પિટલમાં દાખલ થઈ રહ્યા છે. સીડીસીના આંકડાથી ખબર પડે છે કે દેશમાં 1 ઓગસ્ટ 2020થી 13 જાન્યુઆરી 2022 દરમિયાન 17 વર્ષ અથવા તેનાથી ઓછી ઉંમરના 90, 000થી વધારે બાળકોને હોસ્પિટલમાં દાખલ કરાવી ચૂક્યા છે. જેમાંથી મોટાભાગના બાળકો નવજાતથી લઈને 4 વર્ષના છે. તેમનું રસીકરણ શરુ નથી કરવામાં આવ્યુ.
બાળકોમાં સંક્રમણ વધવાની આશંકા
જોકે સીડીસીનો દાવો છે કે હાલ બાળકોના હોસ્પિટલમાં દાખલ થવાનો દર વયસ્કોની સરખામણીએ ઘણો ઓછો છે. પરંતુ આશંકા છે કે આવનારા અઠવાડિયામાં બાળકોમાં સંક્રમણ વધશે. જેનાથી હોસ્પિટલમાં દાખલ થવાનો દર પણ વધશે. સીડીસીએ 5 વર્ષ અને તેનાથી વધારે ઉંમરના તમામ લોકોને રસી લગાવવાની સલાહ આપી છે.
અમેરિકન એકેડમી ઓફ પીડિયાટ્રિક્સના આકલન મુજબ ડિસેમ્બર 2021ના અંતિમ અઠવાડિયામાં અત્યાર સુધીના બાળકોમાં સંક્રમણ અને ગંભીર સંક્રમણના કારણે હોસ્પિટલમાં દાખલ થનારા મામલામાં અનેક ગણા વધશે. જો કે આ આંકડા જારી કરવામાં આવ્યા નથી. જેથી બાળકોને લઈને અભિભાવકોમાં બિનજરુરી ચિંતાઓ અને તણાવ નહી વધે.
ફ્રાન્સ અને બ્રિટનમાં ઘટવા લાગ્યું છે સંક્રમણ
યુરોપમાં કોરોના સંક્રમણનું કેન્દ્ર બનેલા ફ્રાન્સ અને બ્રિટનમાં ગત 2-3 દિવસની સરખામણીમાં સંક્રમણના ઓછા મામલા સામે આવ્યા. ગત એક દિવસમાં ફ્રાન્સમાં જ્યાં 2 લાખ 78 હજાર 129 નવા સંક્રમિત મળ્યા છે. ત્યારે બ્રિટનમાં આ દરમિયાન 70, 160 નવા મામલા મળ્યા છે. જ્યારે આની પહેલા ચાર જાન્યુઆરીએ બ્રિટનમાં નવા મામવા 2.18 લાખ આવ્યા હતા. ત્યારે ફ્રાન્સમાં 11 જાન્યુઆરીએ 3.59 લાખ મામલા આવ્યા હતા.
કરાચીમાં 40 ટકા પહોંચ્યો સંક્રમણ દર
પાકિસ્તાનમાં કોરોના સંક્રમણ વધી રહ્યું છે. ગત એક દિવસમાં કરાચીમાં સંક્રમણ દર વધીને 40 ટકાની નજીક પહોંચી ગયો છે. ત્યારે સમગ્ર પાકિસ્તાનમાં આ લગભગ 8.7 ટકા છે. આ ઉપરાંત 95 ટકા કેસ ઓમિક્રોનના વેરિએન્ટના છે.