છેલ્લા 24 કલાકમાં, ભારતમાં કોરોનાવાયરસના નવા કેસોમાં ઘટાડો થયો છે.
દેશમાં ઘટયા કોરોનાના દૈનિક કેસ
એક દિવસના નવા કેસ 1 લાખ 67 હજાર 59
સતત ચોથા દિવસે મોતના આંકડાએ વધાર્યો ડર
કેન્દ્રીય આરોગ્ય મંત્રાલય દ્વારા જાહેર કરાયેલ આંકડા મુજબ, ગત 24 કલાકમાં દેશમાં 1,67,059 નવા કેસ નોંધાયા છે. તે જ સમયે, મૃત્યુના કેસોએ કેન્દ્ર સરકારનું ટેન્શન વધારી દીધું છે, જ્યાં કોરોના રોગચાળાને કારણે 1192 લોકોના મોત થયા છે. સતત ચોથા દિવસે મૃત્યુઆંક વધ્યો છે.
મોતના આંકડા ડરાવી રહ્યા છે
દેશમાં સોમવારે 959, રવિવારે 893 અને શનિવારે 871 લોકોના મોત થયા છે. 1.67 લાખ નવા કેસ પછી, ભારતમાં કોરોના (કોવિડ-19)થી સંક્રમિત લોકોની સંખ્યા અત્યાર સુધીમાં 4,14,69,499 પર પહોંચી ગઈ છે. દેશમાં રસીકરણનો કુલ આંકડો વધીને 1,66,68,48,204 થઈ ગયો છે, જ્યારે દૈનિક હકારાત્મકતા દર 11.69 ટકા છે.
India's daily cases drop below 2 lakh; the country reports 1,67,059 new #COVID19 cases, 1192 deaths and 2,54,076 recoveries in the last 24 hours
Active case: 17,43,059 (4.20%)
Daily positivity rate: 11.69%
રાજ્યોની વાત કરીએ તો સોમવારે કેરળમાં કોરોના સંક્રમણના 42,142 નવા કેસ નોંધાયા છે. જ્યારે આ દરમિયાન 38458 દર્દીઓ સાજા થયા અને 14 લોકોના મોત થયા. અહીં કોરોનાના સક્રિય દર્દીઓ 35,7,552 છે. કર્ણાટકમાં કોવિડ-19ના 24,172 નવા કેસ નોંધાયા છે. જ્યારે છેલ્લા 24 કલાકમાં 30869 લોકો સાજા થયા છે અને 56 લોકોના મોત થયા છે. રાજ્યમાં 244331 એક્ટિવ કેસ છે. તમિલનાડુમાં કોવિડ-19ના છેલ્લા દિવસે 19,280 કેસ નોંધાયા હતા. તે જ સમયે, મહારાષ્ટ્રમાં કોવિડના 15,140 નવા કેસ નોંધાયા છે. છેલ્લા 24 કલાકમાં અહીં 39 લોકોના મોત થયા છે. મહારાષ્ટ્રમાં, ઓમિક્રોનથી સંક્રમિત 91 નવા દર્દીઓની ઓળખ કરવામાં આવી છે.
અનેક રાજ્યોમાં આજથી સ્કૂલ-કૉલેજો થશે શરૂ
કોરોનાના નવા કેસમાં ઘટાડો થવાથી અનેક રાજ્યોમાં સ્કૂલ-કૉલેજ ફરી ખુલવા લાગી છે. અમૂક રાજ્યમાં સોમવારથી સ્કૂલ-કૉલેજ શરૂ કરી દેવામાં આવી છે, તો અમૂક રાજ્યો આજથી શરૂ કરશે.
સાથે અમૂક રાજ્યો 3 ફેબ્રુઆરીથી સ્કૂલ-કૉલેજ શરૂ કરશે. કર્ણાટક, ત્રિપુરા અને ઉત્તરાખંડમાં ગઈકાલથી સ્કૂલ-કૉલેજ શરૂ કરી દેવામાં આવી છે, જ્યારે મધ્યપ્રદેશમાં આજથી 50 ટકાની ક્ષમતા સાથે સ્કૂલ-કૉલેજ શરૂ કરવામાં આવશે. સાથે રાજસ્થાન અને હરિયાણામાં આજથી ધોરણ 10 અને 12ના વર્ગો ઓફલાઈન શરૂ કરવામાં આવશે.
રાજસ્થાનમાં ધોરણ 6થી 9ના વર્ગો 10 ફેબ્રુઆરીથી ફરી શરૂ કરવામાં આવશે. મહારાષ્ટ્રના પુણેમાં પ્રિ-પ્રાઈમરીથી ધોરણ 12ના વર્ગો આજથી શરૂ થશે, જ્યારે તમિલનાડુમાં ધોરણ 1થી 12ના ઓફલાઈન વર્ગો આજથી શરૂ થવાના છે. સાથે તેલંગણાની તમામ ખાનગી અને સરકારી સ્કૂલ-કૉલેજ આજથી શરૂ કરાશે. હિમાચલ પ્રદેશમાં ધોરણ 9થી 12ના વર્ગો અને પશ્ચિમ બંગાળમાં ધોરણ 12 સુધીના વર્ગો અને કૉલેજ 3 ફેબ્રુઆરીએ શરૂ થશે, જ્યારે ગુજરાતમાં 5 ફેબ્રુઆરી અને ઉત્તર પ્રદેશમાં 6 ફેબ્રુઆરી સુધી ઓફલાઈન શિક્ષણ બંધ રહેશે.