કોરોના વાયરસ / ભારતમાં આજે કોરોના વાયરસનાં 10 હજાર નવા કેસ, નવા વેરિયન્ટને લઈને દેશભરમાં ઍલર્ટ

• 24 કલાકમાં દેશભરમાં 10, 549 નવા કેસ આવ્યા
• દેશમાં સાજા થનારાની સંખ્યા 3,39,77,830 થઈ
• દેશમાં એક્ટિવ કેસની સંખ્યા 1,10,133 પર પહોંચી ગઈ 

24 કલાકમાં દેશભરમાં 10, 549 નવા કેસ આવ્યા

કોરોનાનો કેર દેશમાં હવે ઓછો થઈ રહ્યો છે. ધીરે ધીરે દેશમાં એક્ટિવ કેસની સંખ્યા ઘટી રહી છે. ગત 24 કલાકમાં દેશભરમાં 10, 549 નવા કોરોનાના મામલા સામે આવ્યા છે. આ ઉપરાંત 9868 લોકો કોરોનાથી સાજા થઈ ચૂક્યા છે. જે બાદ દેશભરમાં કોરોનાથી સાજા થનારાની સંખ્યા 
3,39,77,830 સુધી પહોંચી ગઈ છે.

દેશમાં એક્ટિવ કેસની સંખ્યા 1,10,133 પર પહોંચી ગઈ 

ત્યારે કોરોનાના એક્ટિવ મામલાની વાત કરીએ તો હાલ આ સંખ્યા 1,10,133 પર પહોંચી ગઈ છે. કાલે સામે આવેલા ડેટામાં એક્ટિવ મામલાની સંખ્યા એક લાખ 10 હજારથી ઓછી થઈ ગઈ હતી. પરંતુ આજે નવા મામલા બાદ થોડો ઉછાળો જોવા મળી રહ્યો છે.

રિકવરી રેટ 98.33 ટકા છે

દેશમાં કોરોનાનો રિકવરી રેટ 98.33 ટકા છે. જે માર્ચ 2020 બાદથી વધારે છે. દેશમાં એક્ટિવ મામલા કુલ મામલાના 1 ટકાથી ઓછા છે. દેશમાં એક્ટિવ મામલા કુલ મામલાના 1 ટકાથી પણ ઓછા છે. ગત 53 દિવસથી કોરોનાના દૈનિક પોઝિટિવિટી રેટ (0.89 ટકા) 2 ટકાથી નીચે છે.

દેશમાં કુલ 120.27 કરોડ કોરોનાની રસી લગાવાઈ ચૂકી 

આ ઉપરાંત દેશમાં કોરોનાના દર્દીને શોધવા માટે ટેસ્ટિંગ જારી છે. જે અંતર્ગત અત્યાર સુધીમાં કુલ 63.71 કરોડ ટેસ્ટ થઈ ચૂક્યા છે. લોકોને કોરોના વાયરસથી સુરક્ષા આપવા માટે કોરોના રસીકરણ અભિયાન ચલાવાઈ રહ્યું છે. જે અંતર્ગત અત્યાર સુધીમાં કુલ 120.27 કરોડ કોરોનાની રસી લગાવાઈ ચૂકી છે. ઉલ્લેખનીય છે કે અન્ય દેશોમાં કોરોનાના નવા વેરિયેન્ટે દેખા દીધી છે.