કોરોના વાયરસની મહામારી સામે દુનિયાભરમાં જંગ યથાવત્ છે. ત્યારે ભારતમાં અત્યારે 21 દિવસનું લોકડાઉન ચાલી રહ્યું છે. આવા સમયે ફિલ્મી દુનિયા સાથે જોડાયેલી હસ્તીઓ દિલ ખોલીને દાન આપી રહી છએ. હાલમાં જ બોલિવૂડના ખેલાડી અક્ષય કુમારે આ ખતરનાક વાયરસ સામે લડવા માટે સૌથી મોટી રકમ દાનમાં આપી છે. જેના પર અક્ષય કુમારની પત્ની ટ્વિંકલ ખન્નાનું રિએક્શન સામે આવ્યું છે. ટ્વિંકલે અક્ષય કુમારના આ કામથી એક ટ્વિટ કર્યું છે. જે સોશિયલ મીડિયા પર વાયરલ થઈ રહ્યું છે.
કોરોના સામેની જંગમાં મદદ કરવા આગળ આવ્યા સેલેબ્સ
અક્ષય કુમારે સૌથી મોટી રકમ 25 કરોડ રૂપિયા આપ્યા દાનમાં
પત્ની ટ્વિંકલે અક્ષયના આ કામ પર કહી આ વાત
અક્ષય કુમારે કોરોના વાયરસ સામે જંગ લડવા માટે 25 કરોડ રૂપિયાનું યોગદાન આપ્યું છે. ત્યારે આ સંદર્ભે ટ્વિંકલે ટ્વિટ કરીને લખ્યું છે કે, આ વ્યક્તિના કારણે ગર્વ અનુભવું છું. જ્યારે મેં તેને પૂછ્યું કે શું તું આ બાબતને લઈને નિશ્ચિત છે, કારણ કે આ મોટી રકમ હતી અને અમારે પૈસા ભેગા કરવાની જરૂર હતી. તેણે માત્ર એટલું જ કહ્યું કે, મેં શરુઆત કરી ત્યારે મારી પાસે કંઈ જ નહોતું, પરંતુ આજે જ્યારે હું આ સ્થિતિમાં છું ત્યારે જેમની પાસે કંઈ નથી તેમની મદદ કરવામાં કેવી રીતે પોતાને રોકીને રાખું.
The man makes me proud. When I asked him if he was sure as it was such a massive amount and we needed to liquidate funds, he just said, ‘ I had nothing when I started and now that I am in this position, how can I hold back from doing whatever I can for those who have nothing.’ https://t.co/R9hEin8KF1
ટ્વિંકલ ખન્નાના આ ટ્વિટ પર લોકોના રિએક્શન આવી રહ્યા છે અને પોતાની પ્રતિક્રિયા આપી રહ્યા છે. આ મહામારી સામે લડવા માટે અક્ષય કુમાર પહેલા પ્રભાસે 4 કરોડ, પવન કલ્યાણે 2 કરોડ, મહેશ બાબૂએ 1 કરોડ, અલુ અર્જુને 25 લાખ, રામ ચરણે 70 લાખ રૂપિયા દાનમાં આપ્યા છે. આ સિવાય ટેલિવૂડમાંથી કોમેડી કિંગ કપિલ શર્માએ પણ 50 લાખ રૂપિયાનું યોગદાન આપ્યું છે. એટલું જ કમલ હસન પોતાને ઘરને જ હોસ્પિટલ બનાવી દેવાની રજૂઆત કરી છએ. ત્યારે રજનીકાંતે દૈનિક મજૂરોની મદદ માટે 50 લાખ રૂપિયા દાનમાં આપ્યા છે.