કોરોના વાયરસની વચ્ચે એન્ટરટેનમેન્ટ ઈન્ડસ્ટ્રીમાં ધીરે-ધીરે શૂટિંગ શરૂ થઈ રહી છે અને હવે થોડાં દિવસમાં દર્શકો પણ જૂના એપિસોડ્સની જગ્યાએ નવા એપિસોડ્સ જોઈ શકશે. એવામાં બધાં જ જાણવા માંગે છે કે, કોરોનાને કારણે ટીવી જગત અને શૂટિંગમાં કેવા ફેરફાર આવ્યા છે અને કઈ રીતે શૂટિંગ થાય છે.
કોરોનાના કહેર વચ્ચે શરૂ થયું શૂટિંગ
આટલી બદલાઈ ગઈ છે ટીવીની દુનિયા
પ્રોડ્યૂસર રશ્મિએ શેર કર્યો વીડિયો
ટીવી પ્રોડ્યૂસર રશ્મિ શર્માએ એક વીડિયો શેર કરીને જણાવ્યું છે કે, સેટ પર કેવા-કેવા ફેરફાર થયા છે. વીડિયોમાં રશ્મિ દેખાડી રહી છે કે, સેટ પર એમ્બ્યુલેન્સથી લઈને ડોક્ટર પણ ઉપલબ્ધ છે. બધાં જ માસ્ક પહેરે છે અને સોશિયલ ડિસ્ટન્સિંગનું કડક રીતે પાલન કરી રહ્યાં છે. દરેક જગ્યાએ સેનિટાઈઝર રાખવામાં આવ્યા છે. રશ્મિ વીડિયોમાં બતાવી રહી છે કે, અત્યારે સેટ પર બહુ ઓછાં લોકો હાજર છે. તેમને ઓછાં લોકો સાથે શૂટિંગ કરવું પડે છે. તેને આશા છે કે, ટૂંક સમયમાં બધું પહેલાંની જેમ થઈ જશે.
આ વીડિયો શેર કરીને રશ્મિ લખે છે- તમામ સાવધાનીઓનું પાલન કરીને કંઈક આ અંદાજમાં શૂટિંગ કરવામાં આવી રહ્યું છે. મહારાષ્ટ્ર સરકારે શૂટિંગને લીલી ઝંડી આપતા જ બધાં તૈયારીમાં લાગી ગયા છે. રશ્મિ શર્મા પણ શૂટિંગ દરમિયાન જરૂરી બાબતોનું ધ્યાન રાખી રહી છે. તમને જણાવી દઈએ કે, રશ્મિ શર્મા ટીવી જગતની જાણીતી પ્રોડ્યૂસર છે. તેણે શક્તિ, સાથિયા, સ્વરાગિની, સસૂરાલ સિમર કા જેવી સુપરહિટ સીરિયલ્સ પ્રોડ્યૂસ કરી છે. જુલાઈથી ઘણાં શોઝના નવા એપિસોડ્સ જોવા મળશે. એવામાં દર્શકો પણ નવા એપિસોડ્સની રાહ જોઈ રહ્યાં છે.