અમેરિકામાં કોરોનાનો કહેર સતત વધી રહ્યો છે. વિશ્વમાં નોંધાયેલા કેસમાંથી 1/4 કેસ કેસ અમેરિકામાં નોંધાયા છે. ત્યારે આ વાયરસથી પ્રાણીઓ પણ સુરક્ષિત ન હોવાનો ત્રીજો કિસ્સો સામે આવ્યો છે. અમેરિકામાં વાઘને કોરોના પોઝિટિવ આવ્યો છે.
પ્રાણીસંગ્રહાલયની વાઘણને કોરોના પોઝિટિવ આવ્યો
વાઘણને અહીંના કોઈ કર્મચારીથી ચેપ લાગ્યો છે
હોંગકોંગમાં 2 કુતરા અને બેલ્ઝિયમમાં 1 બિલાડીને કોરોના પોઝિટિવ
અમેરિકાના ન્યૂયોર્કના પ્રાણી સંગ્રહાલયમાં એક વાઘણને કોરોના પોઝિટિવ હોવાનો કેસ સામે આવ્યો છે. મળતી માહિતી પ્રમાણે આ સંગ્રહાલયના કર્મચારીના માધ્યમથી તેને ચેપ લાગ્યો છે. ત્યારે આ પહેલું જંગલી પ્રાણી છે જે કોરોના વાયરસની ઝપેટમાં આવ્યું છે. આ પહેલા હોંગકોગમાં 2 પાલતુ કુતરુ કોરોના પોઝિટિવ આવ્યુ હતું. તેમજ અન્ય બેલ્ઝિયમમાં પાલતુ બિલાડીને કોરોના પોઝિટિવ આવી ચૂક્યો છે.
ઉલ્લેખનીય છે કે વાઘણના સંક્રમણ હોવાની ઘટના ન્યૂયોર્ક બ્રૉન્ક્સ પ્રાણીસંગ્રહાલયની છે. અધિકારીઓના જણાવ્યાનુસાર વાઘણમાં સંક્રમણ કોઈ કર્મચારીથી પહોંચ્યું છે. નોંધનીય છે કે અમેરિકામાં કુલ કોરોનાના દર્દીની સંખ્યા 336,830 થઈ ગઈ છે. જ્યારે 9618 લોકોના મોત નિપજ્યા છે. અહીં એક્ટિવ કેસની સંખ્યા 309235 છે.
ન્યૂયોર્કમાં પ્રાણીસંગ્રહાલયમાં એક વાઘણને કોરોના પોઝિટિવ આવ્યો છે. પ્રાણીસંગ્રહાલયના એક કર્મચારીના માધ્યમથી તેને કોરોના થયો છે. ન્યૂયોર્કના બ્રોન્ક્સ નામના પ્રાણી સંગ્રહાલયમાં 4 વર્ષની નાદિયા નામની વાઘણે કોરોના પોઝિટિવ આવ્યો છે. પ્રાણીસંગ્રહાલ તરફથી આવેલા નિવેદનમાં જણાવવામાં આવ્યુ હતું કે નાદિયાની બહેન અજુલ અને 3 આફ્રિકન વાઘમાં પણ કફના લક્ષણો દેખાયા છે. જો કે તેમના કોરોના હોવાની પુષ્ટિ હજુ સુધી નથી થઈ. આ તમામની સારવાર ચાલી રહી છે. અહીં કેટલાક પ્રાણીઓમાં ભૂખ ન લાગવાના લક્ષણો પણ છે. તેમના સેમ્પલ લેવાયા છે.