મહામારી / જે દેશમાં કોરોના ખતમ થઈ ગયો હતો ત્યાં આવવા લાગ્યા કેસ અને કરાયું લૉકડાઉન, અમેરિકામાં પણ કેસ ડબલ

• ભારતમાં પણ કોરોનાના કેસ વધવાની શરૂઆત 
• મેલબોર્નમાં શુક્રવારે રાતથી જ લોકડાઉન
• અમેરિકામાં પણ કોરોના કેસ બે ગણા વધ્યા 

ભારતમાં પણ કોરોનાના કેસ વધવાની શરૂઆત 
ભારત સહિત સમગ્ર દુનિયામાં ફરી એક વાર કોરોનાનો આતંક વધી રહ્યો છે. દેશમાં કોરોના કેસનો આંકડો છેલ્લા કેટલાક દિવસથી ઘટી રહ્યો હતો પણ હવે નવા કેસો 40 હજારથી પણ વધુ સામે આવી રહ્યા છે. બાકીના દેશોની વાત કરીએ તો આ આંકડા ફરી ચિંતાજનક આવ્યા છે. અમેરિકામાં કોરોનાના આંકડા બમણા થઈ ગયા છે અને ઓસ્ટ્રેલીયાના મેલબોર્નમાં લોકડાઉન કરી દેવામાં આવ્યું છે.

મેલબોર્નમાં શુક્રવારે રાતથી જ લોકડાઉન
એક મીડિયા રિપોર્ટ અનુસાર, ઓસ્ટ્રેલીયાના બીજા સૌથી વધુ વસ્તી ધરાવતા શહેર મેલબોર્નમાં શુક્રવારે રાતથી જ લોકડાઉન લાગુ પાડવામાં આવ્યું છે. શહેરમાં વધી રહેલ કોરોના વાયરસના લીધે આ નિર્ણય લેવામાં આવ્યો છે. પણ હજી એ નક્કી નથી કરવામાં આવ્યું કે આ લોકડાઉન કેટલા દિવસનું હશે. એક રિપોર્ટમાં એ વાત સામે આવી કે વિક્ટોરિયામાં ન્યુ સાઉથ વેલ્સ રાજયથી કેટલાક સંક્રમિત મજૂરો કામે આવ્યા હતા, ત્યારબાદ જ સંક્રમણ વધી ગયું છે. એ પણ કહેવામાં આવે છે કે મેલબોર્નમાં સામે આવ્યું કે ત્યાં ફેલાયેલ વાયરસ ડેલ્ટા વેરિયન્ટ છે. આ ડેલ્ટા વેરિયન્ટ વિક્ટોરિયાની સાથે સાથે ન્યુ સાઉથમાં પણ વધુ ઝડપથી ફેલાઈ રહ્યો છે. 

અમેરિકામાં પણ કોરોના કેસ બે ગણા વધ્યા 
બીજી બાજુ અમેરિકામાં પણ છેલ્લા કેટલાક દિવસથી કોરોના સંક્રમણમાં પણ વધારો થઈ રહ્યો છે. ત્યાં છેલ્લા ત્રણ અઠવાડિયામાં રોજ આવતા કોરોના કેસ હાલમાં બમણા થઈ ગયા છે. આ બધુ અમેરિકામાં કેસ એક દમ ઘટી ગયા ત્યારબાદથી શરૂ થયું. આ સાથે જ આપણા દેશમાં કોરોના કેસનો આંકડો છેલ્લા કેટલાક દિવસથી ઘટી રહ્યો હતો પણ હવે નવા કેસો 40 હજારથી પણ વધુ સામે આવી રહ્યા છે.