Coronavirus / સુપ્રીમ કોર્ટનો મોટો આદેશ, પ્રાઈવેટ લૅબ હોય કે ખાનગી સમગ્ર દેશમાં કોરોના ટેસ્ટ મફતમાં કરો

• કોરોના વાયરસનો દેશમાં કહેર
• સુપ્રીમ કોર્ટે વાયરસની મફતમાં તપાસ કરવા સરકારને આપ્યા આદેશ 

સુપ્રીમ કોર્ટે નિર્દિષ્ટ સરકારી પ્રયોગશાળાઓ અથવા ખાનગી લેબોરેટરીઓમાં કોવિડ -19 (Covid-19)ની તપાસ મફતમાં કરવામાં આવે તેવા નિર્દેશ આપ્યા છે. આ સાથે સરકારને પણ જરૂરી આદેશ જાહેર કરવા જણાવ્યું હતું. 

સુનાવણી દરમિયાન અદાલતે સરકારને પૈસા લેવા માટે મિકેનિઝન બનાવવાની વાત કરી 

આ મામલાની સુનાવણી દરમિયાન અદાલતે જણાવ્યું હતું કે, તપાસ માટે પૈસા લેવાની મંજૂરી આપવાના ન આવી શકે. આ સાથે વધુમાં કહ્યું કે, પ્રાઇવેટ લેબને કોરોના વાયરસની તપાસ માટે પૈસા લેવાની મંજૂરી ન હોવી જોઇએ. 

સુનાવણી દરમિયાન ન્યાયાધીશ ભૂષણે કહ્યું, 'તેમને COVID19 માટે લોકોની તપાસ માટે ચાર્જ લેવાની મંજૂરી ન આપો. તમે તપાસ માટે સરકાર પાસેથી પૈસા લેવાનું મિકેનિઝમ બનાવી શકો છો.

ગત મહિનાથી પ્રાઇવેટ લેબને આપવામાં આવ્યા છે તપાસના આદેશ 

બુધવાર સુનાવણી દરમિયાન જસ્ટિસ અશોક ભૂષણ અને એસ રવીન્દ્ર ભટની પીઠે કેન્દ્ર સરકારને કહ્યું હતું કે, તે એક એવું મિકેનિઝમ તૈયાર કરે જેના દ્વારા ખાનગી લેબના ટેસ્ટ ચાર્જને સરકારને પરત કરી શકે. કેન્દ્ર દ્વારા સુનાવણી દરમિયાન હાજર રહેલા સોલિસિટર જનરલ તુષાર મહેતાએ કહ્યું કે તેઓ આ મામલે નિર્દેશ લેશે.

આપને જણાવી દઇએ કે, ગયા મહિને ભારતીય તબીબી સંશોધન પરિષદ (ICMR) એ માન્યતા પ્રાપ્ત ખાનગી લેબને મંજૂરી આપી હતી. આ સાથે, દરેક COVID-19ની તપાસનો ચાર્જ 4,500 રૂપિયા નક્કી કરવામાં આવ્યો હતો. 4500 રૂપિયા આપીને કોરોના વાયરસની તપાસ થઈ શકે. ફીમાં 3000 રૂપિયા તપાસ માટે અને 1500 સ્ક્રીનીંગ માટે લેવામાં આવતા હતા.