ચીનની મીડિયાના અહેવાલો પ્રમાણે ચીનની એક હોસ્પિટલમાં કોરોનાવાયરસથી સાજા થઇ ચુકેલા એક દર્દીનું 5 દિવસ બાદ નિધન થઇ ગયું. આ સમાચારથી હોબાળો મચી ગયો છે.
સાજા થઇ ગયેલા દર્દીઓમાં ફરી કોરોનાવાયરસ પોઝિટિવ આવતા ફફડાટ
ચીનમાં પોઝિટિવ કેસની સંખ્યા 80000થી વધુ
36 વર્ષના આ દર્દીનું નામ લી લિયાંગ હતું જે હુબેઇ પ્રાંતના વુહાન શહેરમાં કોરોનાવાયરસની સારવાર લઇ રહ્યો હતો જેનું સોમવારે સાજા થયા બાદ મોત થઇ ગયું હતું.તેને શ્વાસ લેવામાં તકલીફના લક્ષણો અચાનક શરુ થઇ ગયા હતા અને રેસ્પિરેટરી ફેલિયર ના કારણે તે મોતને ભેટ્યો હતો. તેની મોતનું અંતિમ કારણ કોરોના વાયરસને ગણાવામાં આવ્યો હતો.
વુહાનના હાનયાંગ ડિસ્ટ્રિક્ટમાં 13 દિવસથી કોરોનાવાયરસની સારવાર લઈ રહેલા લી લિયાંગને 12 ફેબ્રુઆરીએ હોસ્પિટલથી રજા આપવામાં આવી હતી. છેલ્લા 2 દિવસથી તેનો કોરોનવાયરસ ટેસ્ટ નેગેટિવ આવી રહ્યો હતો અને છેલ્લા 3 દિવસથી તે તાવથી પણ મુક્ત થઇ ગયો હતો.
ત્યાર બાદ તેને એક સ્પેશ્યલ હોટલમાં રાખવામાં આવ્યો જ્યાં સાજા થયેલા દર્દીઓને સારસંભાળ માટે રાખવામાં આવે છે. 2જી માર્ચે તેને આ લક્ષણો આવતા તાત્કાલિક હોસ્પિટલમાં ખસેડવામાં આવ્યો જ્યાં તેને મૃત જાહેર કરવામાં આવ્યો.
ચીનના કેટલાક વેબ યુઝર્સે નોંધ્યું કે કેટલાક આ ઘટનાના કેટલાક મીડિયા રિપોર્ટ્સના ગાયબ કરી દેવાયા હતા. નોંધનીય છે કે ચીનના The Paper વેબસાઈટના અહેવાલ પ્રમાણે ઘણા બધા દર્દીઓમાં ડિસ્ચાર્જ થયા ફરીથી કોરોનવાયરસના લક્ષણો દેખાયા હતા.
ચીનમાં આ પ્રકારના સમાચાર સાંભળીને વેન્ગ નામના એક દર્દીએ સાજા થયા બાદ ફરીથી ટેસ્ટ કરાવ્યો હતો અને આશ્ચર્યજનક રીતે 18 દિવસ હોસ્પિટલ અને 15 દિવસ સારસંભાળના પિરિયડમાં રહી ચૂકેલા વેન્ગને ફરીથી કોરોનાવાયરસ પોઝિટિવ આવ્યો હતો.
બીજા એક દર્દીને 10 દિવસમાં ફરી કોરોનાવાયરસ પોઝિટિવ આવતા ફફડાટ મચી ગયો છે કે સાજા થઈ ગયેલા લોકો હજુ પણ આ ખતરનાક વાયરસને સાથે રાખીને ફરી રહ્યા છે. નોંધનીય છે કે ચીનમાં પોઝિટિવ કેસની સંખ્યા 80000થી વધારે થઇ ગઈ છે જેમાં 3000થી વધુ લોકોના મોત નિપજ્યા છે.
ચીન સિવાય ઈરાન, ઇટલી અને સાઉથ કોરિયા જેવા દેશોમાં આ વાયરસે સૌથી વધુ દર્દીઓનો ભરડો લીધો છે.