કોરોના સંકટ / સુરતમાં કોરોના સામેની તમામ કાર્યવાહી નિષ્ફળ છતાં આ મામલે મુંબઇથી નીકળ્યું આગળ

• સુરત શહેરમાં કોરોના ટેસ્ટની સંખ્યામાં વધારો
• સુરતે કોરોના ટેસ્ટના મામલે મુંબઇને છોડ્યું પાછળ
• સુરતમાં કોરોનાનો કહેર યથાવત
• મનપાની તમામ સ્ટ્રેટેજી થઇ રહી છે ફેઇલ

સુરતમાં કોરોનાનો કહેર યથાવત  

સુરત શહેરમાં કોરોના વાયરસનો કહેર યથાવત જાવો મળી રહ્યો છે. શહેરમાં કાપડના 13 વેપારીઓ તેમજ 10 વિદ્યાર્થીઓ કોરોના સંક્રમિત જોવા મળ્યાં છે. જ્યારે ખાનગી હોસ્પિટલના ડોકટરો સાથે 1 સિવિલ હોસ્પિટલના તબીબ પણ પોઝિટિવ આવ્યાં છે. આ સાથે કેટલાક પોલીસ જવાન પણ કોરોના પોઝિટિવ થયેલા જોવા મળ્યાં છે. 
 

દિવાળી બાદ આઠવા ઝોનમાં સૌથી વધારે સંક્રમિત

સુરતમાં સૌથી વધારે કોરોનાથી પ્રભાવિત વિસ્તાર જોવા મળ્યો હોય તો તે અઠવા ઝોન છે. જ્યાં છેલ્લા 5 દિવસમાં 253 જેટલા કેસો પોઝિટિવ આવ્યાં છે. અઠવા ઝોનમાં અત્યાર સુધીમાં 5916 કેસો નોંધાયાં છે. જ્યારે બીજા નંબરે કતાર ગામ ઝોન આવે છે. જ્યા મનપાની તમામ સ્ટ્રેટજી ફેઇલ થઇ રહી છે. શહેરમાં ધીમે-ધીમે સંક્રમણમાં વધારો થતા શહેરીજનોની ચિંતામાં વધારો થયો છે. 
 

કોરોના ટેસ્ટની સંખ્યામાં વધારો

સુરત શહેરમાં કોરોના વાયરસનો કહેર યથાવત જોવા મળી રહ્યો છે. ત્યારે શહેરમાં કોરોનાના ટેસ્ટની સંખ્યામાં વધારો કરાયો છે. કોરોના ટેસ્ટના મામલે સુરતે મુંબઇને પાછળ છોડ્યું છે. જેમાં એક જ દિવસમાં કોરોનાના 17,038 ટેસ્ટ થયા છે. આમ ટેસ્ટિંગ મામલે સુરત મનપા અગ્રેસર જોવા મળ્યું છે. 

ટેસ્ટિંગ મામલે સુરત મનપા અગ્રેસર

સુરત શહેરમાં વધતા કોરોના કહેર વચ્ચે 11 નવેમ્બરથી 23 નવેમ્બર સુધીમાં ટેસ્ટિંગમાં વધારો કરાયો છે. આ 13 દિવસમાં 1 લાખ 28 હજાર 345 ટેસ્ટિંગ કરાયાં છે. જેમાં 13 દિવસમાં 2,220 પોઝિટિવ કેસ નોંધાયા છે.