દેશભર સહિત રાજ્યમાં જ્યાં કોરોના વાયરસનો હાહાકર જોવા મળી રહ્યો છે ત્યારે કોરોના સામેની જંગમાં વિવિધ વિભાગોના અધિકારીઓ-કર્મીઓ દ્વારા પોતાની ચિંતા કર્યા વગર સેવા આપવાનું કાર્ય કરી રહ્યાં છે. જેમાં સૌથી વધુ અગ્રેસર પોલીસકર્મીઓ, ડૉકટર્સ-નર્સીંગ સ્ટાફ, મીડિયા સહિતના લોકો એકરીતે લોકોને બચાવવા માટે પોતાની ચિંતા કર્યા વગર કામ કરી રહ્યાં છે.
જોકે રાજ્યમાં સૌથી વધારે કપરી પરિસ્થિતિ પોલીસ વિભાગના કર્મીઓની જોવા મળી રહી છે. પ્રધાનમંત્રી નરેન્દ્ર મોદી દ્વારા લોકડાઉનની કરાયેલા જાહેરાત છતાં લોકો વારંવાર નિયમનું ઉલ્લંઘન કરી ઘરની બહાર નીકળતા રહેતા હોય છે. જો કે આવી પરિસ્થિતિમાં પણ પોલીસ દ્વારા શાંતિપૂર્ણ રીતે સમજાવી પરત મોકલવામાં આવી રહ્યાં છે.
જો કે રાજ્યમાં સુરત શહેર જાણે મહારા્ષ્ટ્રના મુંબઇ જેવું છે. સુરતમાં સૌથી વધારે બીજા રાજ્યોના લોકો વસવાટ કરી રહ્યાં છે. જો કે શહેરની પોલીસ લોકડાઉનથી કડકાઇથી કામ કરી રહી છે. તેમ છતાં લોકો જરૂરી કામ હોય બહાર નીકળતા જોવા મળે છે.
જો કે એક મળતી વિગત અનુસાર શહેરની ઉમરા પોલીસ સ્ટેશનના પીઆઇ પોતાના વિસ્તારમાં લોકડાઉનના સમયગાળા દરમિયાન કારણ વગર નીકળેલા લોકોને સમજાવી ઘરે પરત મોકલી રહ્યાં હતા. ત્યારે એક દંપતી તેમની સામે ચાલીને આવી રહ્યું હતું.
જો કે સામેથી ચાલીને આવી રહેલા દંપતિમાં મહિલા ગર્ભવતી હોવાનું જોવા મળતાં પીઆઇને મનમાં સવાલ થયો કે કેમ તેઓ ચાલીને આ સમયે બહાર નીકળ્યાં છે. જો કે નજીક પહોંચી દંપતિને પૂછવામાં આવતાં જાણવા મળ્યું કે ગર્ભવતી મહિલાનું નિયમિત ચેકિંગ કરાવવાનું હોય છે.
આમ તેઓ નિયમિત ચેકિંગ કરાવવા નીકળ્યાં હતાં. જો કે પોતાનું વાહન હતું, પરંતુ પોલીસ દ્વારા વાહન ડિટેઇન કરવામાં આવતાં તેઓ ચાલતા નીકળ્યાં હતા. જો કે પીઆઇ એમ એલ સાળુકેએ માનવતા દર્શાવી દંપતિને પોતાની સરકારી જીપમાં હોસ્પિટલ નિયમિત ચેકિંગ માટે લઇ ગયા, એટલું જ નહીં પરંતુ મહિલાના તમામ ટેસ્ટ બાદ પરત ઘરે મોકલી આપ્યાં હતા.