ગુજરાતમાં કોરોના વાયરસની મહામારીનો કહેર યથાવત જોવા મળી રહ્યો છે. ત્યારે રાજ્યમાં હાલ કોરોના પોઝિટિવ કેસોની સંખ્યામાં સતત વધારો થઇ રહ્યો છે. ત્યારે રાજ્યના સુરત જિલ્લામાં કોરોનાનું સંક્રમણ વધતા લોકોની ચિંતામાં વધારો થઇ રહ્યો છે. ત્યારે હવે શહેરમાં કોરોના વૉરિયર્સ પણ કોરોનાની ઝપેટમાં જોવા મળી રહ્યાં છે. શહેરમાં આવેલ સિવિલ હોસ્પિટલની 42 નર્સનો કોરોના રિપોર્ટ પોઝિટિવ આવ્યો છે. જ્યારે બીજી તરફ પોલીસ અધિકારી અને કર્મચારીઓ પણ સંક્રમિત જોવા મળ્યાં છે.
સુરતમાં કોરોના વોરિયર્સ સંક્રમિત થયા
42 નર્સનો કોરોના રિપોર્ટ પોઝિટિવ
શહેરમાં વધતા કોરોના કેસમાં પોલીસ અધિકારીઓ ઝપેટમાં
સુરત સિવિલ હોસ્પિટલની 90 નર્સ બીમાર
સુરત શહેરમાં આવેલી સિવિલ હોસ્પિટલની 90 નર્સ બીમાર હોવાનું સામે આવ્યું છે. જેમાં 42 નર્સનો કોરોના રિપોર્ટ પોઝિટિવ આવ્યો છે. જ્યારે થોડા દિવસ પહેલા સિવિલ હોસ્પિટલના હેડ નર્સનું કોરોનાથી નિધન થયું છે. ત્યારે મેડિકલ અને પેરામેડીકલ કર્મચારીઓમાં ભયનો માહોલ જોવા મળી રહ્યો છે.
પોલીસ અધિકારીઓ-કર્મચારીઓ થઇ રહ્યાં છે સંક્રમિત
સુરતમાં હવે પોલીસ અધિકારીઓ પણ કોરોનાની ઝપેટમાં આવ્યા છે. સુરતમાં પોલીસ અધિકાર અને કર્મચારીઓ કોરોના સંક્રમિત થઇ રહ્યાં છે. સુરતમાં 4 પીઆઇ સહિત 13 પોલીસ જવાનો કોરોના સંક્રમિત થયા છે. કન્ટેઇનમેન્ટ ઝોનમાં ફરજ પરના 50થી વધુ જવાન સંક્રમિત થયા છે. ત્યારે સુરતમાં હવે ધન્વંતરી રથ દ્વારા પોલીસ સ્ટાફનો રેપિડ ટેસ્ટ કરાશે.
સુરતમાં કોરોના વાયરસના કેસોમાં સતત વધારો થઇ રહ્યો છે. જિલ્લામાં કોરોનાના કેસમાં ઉછાળો જોવા મળ્યો છે. આજરોજ જિલ્લામાં કોરોનાના કેસનો આંકડો 10671 પર પહોંચ્યો છે. જેમાં આજરોજ ગ્રામ્યમાં બપોર સુધીમાં 97 કેસ અને શહેરમાં બપોર સુધીમાં 89 કેસ નોંધાયાં છે.