કોરોના સંકટ / સુરતમાં કોરોનાનો વિસ્ફોટ, આજે 137 કેસ વધતાં પોઝિટિવનો આંક કુલ 8200ને પાર

• સુરતમાં કોરોના વાયરસનો વધતો કહેર
• બપોર સુધીમાં 137 કેસો આવ્યા સામે
• સિટીમાં બપોર સુધીમાં 102 કેસ આવ્યા સામે
• ગ્રામ્યમાં બપોર સુધીમાં 35 કેસ આવ્યા સામે

ગુજરાતમાં વધતા કોરોના વાયરસના વધતા કહેર વચ્ચે સુરત શહેરમાં કોરોનાનો વિસ્ફોટ જોવા મળ્યો છે. આજરોજ બપોર સુધીમાં કોરોનાના કુલ 137 કેસ સામે આવ્યાં છે. જેમાં સુરત શહેરમાં જ 102 કેસ જ્યારે ગ્રામ્યની વાત કરીએ તો 35 કેસ પોઝિટિવ નોંધાયાં છે. 

સુરત શહેરમાં આજરોજ નોંધાયેલા 137 કેસ સાથે સુરત શહેર અને ગ્રામ્યમાં કુલ કેસ 8258 કેસ નોંધાયા છે. જેમાં શહેરના કુલ કેસ 7009 થયા છે જ્યારે ગ્રામ્યમાં કુલ 1249 કેસ થયા છે. 

ઉલ્લેખનીય છે કે સુરત શહેરમાં કોવિડના મૃત્યુઆંકને લઇને વારંવાર વિવાદ જોવા મળ્યો છે.  ગઇકાલે સુરત મનપાના સેક્રેટરી બ્રાંચમાં પ્રવેશ કર્યો હતો. સેક્રેટરી બ્રાંચના 3 કર્મીને કોરોનાની પુષ્ટી થઇ હતી. ત્યારે રાજ્યમાં અમદાવાદ બાદ સુરત શહેર હવે કોરોનાનું હબ બનતું જોવા મળી રહ્યું છે.