કોરોના વાયરસને લઇને રાજ્ય સરકાર દ્વારા પ્રજાના હિતને લઇને સહાયની જાહેરાત કરવામાં આવી રહી છે. આ સાથે લોકડાઉનના પગલે સરકાર દ્વારા સહાયની કીટ પણ આપવામાં આવી રહી છે ત્યારે સુરતના પાંડેસરામાં લોકોએ પડાપડી કરી છે.
સુરતમાં સરકારી સહાયની કીટ લેવા લોકોની પડાપડી
એકસાથે કીટ લેવા બોલાવતા તંત્રની બેદરકારી આવી સામે
પાલિકાના અધિકારીઓ કીટ આપવા ન પહોંચતા લોકોમાં રોષ
લોકડાઉનના પગલે કોરોનાને લઇને સોશિયલ ડિસ્ટન્સ મહત્વનું માનવામાં આવી રહ્યું છે ત્યારે સુરતમાં સરકારી સહાયની કીટ લેવા લોકોએ પડાપડી કરી છે. શહેરના પાંડેસરાના નાગસેન નગરમાં લોકો ઉમટી પડ્યા હતા. સુરતમાં તંત્રએ એકસાથે અનાજની કીટ લેવા બોલાવ્યાં હતા.
સુરત શહેરમાં એકસાથે કીટ લેવા બોલાવતા તંત્રની બેદરકારી સામે આવી છે. પાંડેસરામાં સહાય કીટ લેવા એકસાથે હજારો લોકો ઉમટી પડ્યા છે.
જો કે સુરત નગરપાલિકાના અધિકારીઓ કીટ આપવા ન પહોંચતા લોકોમાં રોષ જોવા મળી રહ્યો છે. પાંડેસરામાં પોઝિટિવ કેસ છતાં લોકો એકત્ર થતાં કોરોના ફેલાવાનો ડર સતાવી રહ્યો છે. તંત્રની લાપરવાહીએ અનેક લોકોને ભેગા કરી દીધા છે.