રાજ્યમાં કોરોનાનો કહેર દિવસેને દિવસે વધતો જઈ રહ્યો છે. ત્યારે સ્વાભાવિક છે કે, આગામી સમયમાં મેડિકલ એસેસરિઝની તાતી જરૂર પડવાની છે. ખાસ કરીને કરીને વેન્ટીલેટરની. તેવામાં રાજકોટની કંપનીના એક લાખ રૂપિયા વાળા વેન્ટીલેટર બાદ સુરતની એક કંપનીએ મોટી સિદ્ધિ હાસલ કરતા માત્ર 35 હજાર રૂપિયામાં વેન્ટીલેટર તૈયાર કર્યું છે. જે ગુજરાત માટે વરદાનરૂપ સાબિત થઈ શકે છે. ત્યારે કેવું છે આ વેન્ટિલેટર, કેવી રીતે કામ કરે છે.
દેશનું સૌથી સસ્તુ વેન્ટીલેટર
સુરતની કંપનીની સફળતા
એન્જિનિયર્સે દોડાવ્યું મગજ
ગુજરાતમાં અને ખાસ કરીને જે રીતે કોરોનાના કોસ વધતા જઈ રહ્યા છે.. તે હાલ સૌથી મોટો પડકાર બન્યો છે. ત્યારે આ પડકારમાં સરકારની પડખે ઉભવા અને રાજ્યના અને દેશના લોકોને બચાવવા માટે સુરતની વધુ એક કંપનીએ મોટી સિદ્ધિ હાંસલ કરી છે. ફોટોન ટેક્નોલોજી નામની આ કંપનીએ માત્ર 35 હજાર રૂપિયાની કિંમતમાં આધુનિક વેન્ટીલેટર તૈયાર કર્યું છે. એવું વેન્ટી લેટર જે ગુજરાતને મોટી જંગ જીતાડી શકો છે.
ફોટોન ટેક્નોલોજી દ્વારા તૈયાર કરાયું વેન્ટિલેટર
ફોટોન ટેક્નોલોજી દ્વારા તૈયાર કરવામાં આવેલું આ વેન્ટીલેટર મેક ઈન ઈન્ડિયાના નેજા હેઠળ તૈયાર કરવામાં આવ્યું છે. આ વેન્ટીલેટરને માત્ર 7 દિવસના સમયગાળામાં જ તૈયાર કરવામાં આવ્યું છે. જેનું વજન માત્ર 15 કિલો જ છે અને તે ત્રણ કલાકનું બેટરી બેકઅપ પણ ધરાવે છે. આ ઉપરાંત આ વેન્ટીલેટર સંપૂર્ણ પણે ડિજિટલ રીતે તૈયાર કરાયું છે. એટલે કે, એક વખત સેટ કર્યા બાદ ડોક્ટરોએ તેને વારંવાર તપાસ કરવાની જરૂર નથી પડતી.
ફોટોન ટેક્નોલોજીનો ઉપયોગ કરતા પહેલા કલેક્ટરની લેવાઇ મંજૂરી
અહીં આપને એ પણ જણાવી દઈએ કે, આ આવિષ્કાર માત્ર દેશને આ મહામારીમાંથી બહાર લાવવા માટે મદદના આશયથી તૈયાર કરાયું છે. ફોટોન ટેક્નોલોજી દ્વારા આ માટે સૌથી પહેલા સુરત કલેક્ટર પાસે પરવાનગી પણ માગવામાં આવી હતી. જે પરવાનગી મળ્યા બાદ તૈયાર કરાયું છે. જોકે આ વેન્ટીલેટરને મંજૂરીની મહોર લાગી ગઈ તો આથી પણ રસ્તા ભાવે વેન્ટીલેટર તૈયાર કરવાની પણ કંપનીની તૈયારી છે.
દેશનું સૌથી સસ્તું વેન્ટીલેટર
મહત્વનું છે કે, આ વેન્ટીલેટર દેશનું સૌથી સસ્તું વેન્ટીલેટર છે. જેનો આ જે સફળતા પૂર્વક ડેમો પણ યોજવામાં આવ્યો હતો. હવે માત્ર મેડિકલ એસોસિએશનની પ્રમાણિતતાની મહોરની રાહ જોવાઈ રહી છે. જે મહોર લાગતા જ કંપની તાત્કાલીક ધોરણે વેન્ટીલેટર બજારમાં ઉતારશે. જોકે, આ એક આવિષ્કાર જ છે.જે ગુજરાતને અને દેશને આ મહામારીની જંગમાં જીતાડવા માટે એક વરદાન રૂપ સાહિત થઈ શકો છે.