Coronavirus / લોકડાઉનના દિવસથી સુરતમાં ધમધમતી APMC માર્કેટ જોવા મળી ખાલીખમ

• સુરતમાં માર્કેટ બંધના નિર્ણય બાદ આજે APMC ખાલીખમ
• લોકડાઉનના દિવસથી ધમધમતી હતી માર્કેટ 
• રવિવારે APMC માર્કેટ બંધ રાખવાનો લેવાયો હતો નિર્ણય

સુરત શહેરની વાત કરીએ તો દેશભરમાં જાહેર કરાયેલા લોકડાઉનના દિવસથી APMC માર્કેટ ધમધમતું જોવા મળતું હતું. જેને લઇને લોકો વચ્ચે સોશિયલ ડિસ્ટન્સનો અભાવ જોવા મળતો હતો. જો કે ગઇકાલે મળેલી બેઠકમાં APMC માર્કેટને અચોક્કસ મુદ્દત માટે બંધ કરવાનો નિર્ણય લેવામાં આવ્યો છે. 
 

આમ ગઇકાલે મળેલી બેઠક બાદ અચોક્કસ મુદ્દત માટે બંધ કરવાને લઇને લેવામાં આવેલા નિર્ણય બાદ આજે ખાલીખમ જોવા મળ્યું હતું. 

APMC બંધ થતા શાકભાજી લેવા માટે લોકોની પડાપડી

સુરતમાં APMC બંધ કરવાનો નિર્ણય કરવામાં આવતા લોકો ચિંતામાં મુકાયા છે, ત્યારે હવે શહેરના પાલનપુર પાટીયા વિસ્તારમાં આવેલી માર્કેટમાં લોકોની ભીડ ઉમટી છે. શહેરની માર્કેટમાં મોટી સંખ્યામાં લોકો ઉમટ્યા હતા. શાક લેવા માટે શહેરના માર્કેટમાં જાહેરનામાનો ખુલ્લેઆમ ઉલ્લંઘન થઈ રહ્યો છે.