કોરોના વાયરસથી બચવા માટે સુપ્રીમ કોર્ટે ઐતિહાસિક પગલુ ભર્યું છે. સુપ્રીમ કોર્ટનો પ્રયત્ન છે કે લોકોની ભીડને કેવી રીતે ઘટાડી શકાય. હવે દરેક પક્ષકારના વકીલને સુપ્રીમ કોર્ટમાં એક રુમ આપવામાં આવશે. આ ઉપરાંત જલ્દી જ એપ લોન્ચ કરવામાં આવશે. જેમાં કોર્ટની કામગીરી વીડિયો કોન્ફરન્સના માધ્યમથી કરવામાં આવશે. જેનું સંચાલન વકીલના રુમમાંથી જ કરવામાં આવશે.
સુપ્રીમ કોર્ટ કોરોનાને ધ્યાનમાં રાખીને કરી રહી છે આ કામ
કોર્ટમા થર્મલ સ્ક્રીનિંગ લગાવાશે
વીડિયો કોન્ફરન્સ તથા એપથી થશે કોર્ટ કામગીરી
ઈ-ફાઈલિંગની સેવા શરુ કરવા પર પણ વિચારણા
કોરના વાયરસના વધતી અસરને જોતા સુપ્રીમ કોર્ટે પોતાનું કામકાજ જલ્દી જ ડિઝિટલ અને પેપરલેસ કરવા વિચારણા કરી છે. હવે કોર્ટની કાર્યવાહી વીડિયો કોન્ફરન્સ દ્વારા શક્ય બની શકશે. સુપ્રીમ કોર્ટ કેસ ફાઈલિંગને પણ ડિઝિટલ કરવા વિચાર કરી રહી છે. લોકોની વચ્ચે સંપર્ક ઓછો કરવા માટે ઈ-ફાઈલિંગની સેવા શરુ કરવા પર પણ વિચારણા ચાલી રહી છે. આ નિર્ણયની ચર્ચા બુધવારે બાર પ્રતિનિધિઓ સાથે પણ કરવામાં આવી છે.
સુપ્રીમ કોર્ટ કોરોનાને ધ્યાનમાં રાખીને કરી રહી છે આ કામ
સુપ્રીમ કોર્ટ કોરોના વાયરસને ફેલાતો રોકવા પ્રયાસ કરી રહી છે. જેને લીધે તે સકારાત્મક પગલા ભરવા માટે રવિવારે મુખ્ય ન્યાયાધીશ શરદ અરવિંદ બોબડેએ બેઠક બોલાવી હતી. આ બેઠકમાં તેમના ઉપરાંત અરુમ મિશ્રા, જસ્ટિસ યૂયૂ લલિત, જસ્ટિસ ડીવાઈ ચંદ્રચૂડ અને જસ્ટિસ એલ નાગેશ્વર રાવ હાજર હતા.
વિકલ્પ શુ હોઈ શકે તે અંગે ચર્ચા
બેઠકમાં AIIMSના ડૉ. રણદીપ ગુલેરિયા સહિત દેશના કેટલાય મોટા ડૉક્ટરો પણ હાજર હતા. કોર્ટને સંપૂર્ણ બંધ ન કરી શકાય ત્યારે વિકલ્પ શુ હોઈ શકે તે અંગે ચર્ચા કરવામાં આવી હતી.
એપ લોન્ચ કરવામાં આવશે
જેમાં દરેક પક્ષકારના વકીલને સુપ્રીમ કોર્ટ પરિસરમાં એક રુમ આપવામાં આવશે. આ ઉપરાંત જલ્દી જ એપ લોન્ચ કરવામાં આવશે. જેમાં કોર્ટની કામગીરી વીડિયો કોન્ફરન્સના માધ્યમથી કરવામાં આવશે. જેનું સંચાલન વકીલના રુમમાંથી જ કરવામાં આવશે. જેવી બાબતો પર ચર્ચા કરવામાં આવી.
તાપમાન વધારે રહેશે તો પ્રવેશ નહીં અપાય
મીડિયા કર્મીઓ માટે એક અલગ રુમ બનાવવામાં આવશે. જ્યાં સ્માર્ટ ટીવી લગાવવામાં આવશે. જેથી તેએ લાઈવ જોઈ શકે. મુલાકાતીઓ પર પ્રતિબંધ લગાવાશે. તેમજ કોર્ટ પરિસરમાં થર્મલ સ્ક્રીનિંગની વ્યવસ્થા કરવામાં આવશે. જેમાં લોકોનું તાપમાન ચેક કરવામાં આવશે. તાપમાન વધારે રહેશે તો પ્રવેશ નહીં અપાય.