કોરોના વાયરસનો કહેર દેશભરમાં સતત વધી રહ્યો છે. આ માટે દેશમાં અનેક રિસર્ચ પણ થઈ રહ્યા છે. એક નવા રિસર્ચમાં ખુલાસો થયો છે કે ગળા અને ફેફસાની સરખામણીમાં નાકની કોશિકાઓની મદદથી કોરોના ઝડપથી ફેલાય છે. અહીં તે ફક્ત 4 દિવસમાં પોતાની પ્રજાતિને 1 કરોડ સુધીની વધારી લે છે. જે ખરેખર ચિંતાજનક સ્થિતિ છે.
કોરોનાને લઈને નોર્થ કેરોલિના યુનિ.નું નવું સંશોધન
નાકની કોશિકાઓમાં વધુ ટકે છે કોરોના!
ગળા-ફેફસાની સરખામણીએ વધુ સંક્રમણ
સંશોધનમાં આપવામાં આવી છે આ સલાહ
શોધકર્તાઓએ સલાહ આપી છે કે કોરોના સંક્રમણના બચાવ માટે ફેસ માસ્ક કે કપડાંથી મોઢાને નહીં પણ નાકને પણ સારી રીતે ઢાંકવું જરૂરી છે. કારણ કે નાક ફેફસાથી પણ વધારે સંવેદનશીલ છે. ગળા કે ફેફસાની તુલનામાં નાકની કોશિકાઓઓ પર કોરોના ઝડપથી પ્રહાર કરે છે. તેમાં ટિક કરીને કોરોના વાયરસ ફક્ત 4 દિવસમા પોતાની એક કરોડથી વધુ પ્રજાતિ બનાવી લે છે.
સંશોધનકર્તાનું કહેવું છે કે કોરોના સંક્રમણથી બચવા નાકને સારી રીતે ઢાંકવું, કોરોના સંક્રમિત દર્દીની નાસિકા, શ્વાસનળી અને ફેફસાથી લેવાયેલા નમૂનાઓનું વિશ્લેષણ કરાયું છે અને સાથે સ્વસ્થ લોકો પર તેની પડનારી અસરોનું પણ અધ્યયન કરવામાં આવ્યું છે.
શોધકર્તાઓએ કહી આ વાત
શોધકર્તાઓએ જાણ્યું છે કે નાસિકામાંના નેસલ એપિથિલિયમ નામની કોશિકા કોરોના વાયરસને સૌથી પહેલો શિકાર બનાવે છે. તેમાં ફેફસાની તુલનામાં 1 હજાર ગણા વધારે વાયરસ ઘર કરી શકે છે.
આ રીતે સક્રિય બને છે કોરોના વાયરસ
સંશોધન કર્તાએ જણાવ્યું છે કે નાકમાં રહેતા એસીઈ-2 રિસેપ્ટનું વધુ પ્રમાણ કોરોના સંક્રમણને માટે વધારે સંવેદનશીલ હોવા માટે જવાબદાર છે. પહેલાના રિસર્ચમાં આ વાતની માહિતી મળી ચૂકી છે કે એસીઈ-2 રિસેપ્ટર જ કોરોના વાયરસને વધુ ઉગ્ર બનાવનારા સ્પાઈક પ્રોટીનને સક્રિય કરે છે. આ કારણ છે કે વાયરસને નાકમાં પોતાની સંખ્યા ઝડપથી વધારવામાં મદદ મળે છે.
નાકમાં આ રીતે ઝડપથી ફેલાયો કોરોનાઃ રિસર્ચ
સંશોધનમાં જાણવા મળ્યું કે નાકમાં ફક્ત 4 દિવસમાં જ વાયરસની એક કરોડ પ્રજાતિ મળી છે. ફેફસામાં આ સંખ્યા 10 હજારની આસપાસ હતી. જે નાકની સરખામણીએ ઘણી ઓછી છે. શોધકર્તાનું કહેવું છે કે વધતા કોરોના સંક્રમણની વચ્ચે ફેસ માસ્કનો યોગ્ય રીતે ઉપયોગ જરૂરી છે. અને માસ્કથી મોઢાની સાથે નાકને પણ કવર કરવું જરૂરી છે.