ગુજરાતમાં કોરોના વાયરસ મહામારીને લઇને સંકટ યથાવત જોવા મળી રહ્યું છે. રાજ્યમાં કોરોના પોઝિટિવ કેસોની સંખ્યામાં સતત વધારો જોવા મળી રહ્યો છે. ત્યારે કોરોનાને લઇને લોકડાઉનમાં સૌથી મહત્વનું સોશિયલ ડિસ્ટન્સ જાળવવું તે છે. સરકાર દ્વારા વારંવાર લોકોને સોશિયલ ડિસ્ટન્સ જાળવવા અપીલ કરવામાં આવે છે. ત્યારે રાજ્યમાં GTUના બે વિદ્યાર્થીઓએ સોશિયલ ડિસ્ટન્સ જળવાય તે માટે અનોખો બેલ્ટ તૈયાર કર્યો છે. જો સોશિયલ ડિસ્ટન્સનું પાલન નહીં કરવામાં આવે તો બેલ્ટમાંથી બઝરનો અવાજ આવશે.
કોરોનાને લઈને GTUના વિદ્યાર્થીઓનો નવતર પ્રયોગ
સોશિયલ ડિસ્ટન્સ જળવાય તે માટે વિદ્યાર્થીઓએ બનાવ્યો બેલ્ટ
સાહિલ અને જિગ્નેશ નામના વિદ્યાર્થીએ બનાવ્યો બેલ્ટ
કોરોનાને લઈને લોકોએ સોશિયલ ડિસ્ટન્સ રાખવુ તે ખુબ જ જરૂરી છે. સોશિયલ ડિસ્ટન્સ જળવાય તે માટે તંત્ર દ્વારા પણ તમામ પ્રકારથી પગલા લેવામાં આવી રહ્યા છે. ત્યારે GTUના બે વિદ્યાર્થીઓનો નવતર પ્રયોગ કર્યો છે.
સોશિયલ ડિસ્ટન્સ જળવાય તે માટે GTUના સાહિલ અને જિગ્નેશ નામના વિદ્યાર્થીએ અનોખો બેલ્ટ તૈયાર કર્યો છે. સોશિયલ ડિસ્ટન્સનું પાલન નહી થાય તો આ બેલ્ટ ભાન કરાવશે. વિદ્યાર્થીઓ દ્વારા બેલ્ટને બનાવતા સમયે અલ્ટ્રાસોનિક સેન્સર અને બઝરનો ઉપયોગ કરવામાં આવ્યો છે.
સોશિયલ ડિસ્ટન્સને લઇને 1.2 મીટરથી ઓછુ ડિસ્ટન્સ થશે તો બેલ્ટમાં બઝર વાગવાનું ચાલુ થશે, જ્યારે 1.2 મીટરથી વધુ ડિસ્ટન્સ હશે તો બઝર ઓટોમેટિક બંધ થઈ જશે.
વિદ્યાર્થીઓ દ્વારા બનાવવામાં આવેલા આ બેલ્ટની કિંમત માત્ર 150થી 180 રૂપિયા છે. જો મોટા પ્રમાણમાં ઓર્ડર મળતા બેલ્ટની કિંમત 60થી 70 રૂપિયા સુધી પહોંચી શકે છે. આ વિદ્યાર્થીઓ દ્વારા હાલમાં કોરોના વોરિયર્સને બેલ્ટ આપવાનું આયોજન કરાયું છે.