કોરોનાની સારવારમાં ઉપયોગમાં લેવાતી દવા હાઈડ્રોક્સીક્લોરોક્વીનના સપ્લાય પર અમેરિકાના રાષ્ટ્રપતિ ડોનાલ્ડ ટ્રમ્પે ભારતનો આભાર માન્યો છે. કહ્યું કે મુશ્કેલ સમયે મિત્રના સહકારની જરુર પડે છે. દવાના નિર્ણય માટે હું ભારતનો આભારી છું.
ટ્વીટ કરી ડોનાલ્ડ ટ્ર્રમ્પે ભારતનો આભાર માન્યો છે.
ગત દિવસોમા અમેરિકાએ ભારત પાસે મદદ માંગી હતી
આજ દવા માટે ટ્રમ્પે ધમકીના સૂરમાં મદદ માંગી હતી
કોરોના વાયરસની સારવારમાં ઉપયોગી થનારી હાઈડ્રોક્સીક્લોરોક્વીનના સપ્લાય પર અમેરિકાના રાષ્ટ્રપતિ ડોનાલ્ડ ટ્રમ્પે ભારતનો આભાર માન્યો છે. એક ટ્વીટ કરી ટ્રમ્પે કહ્યું છે કે મુશ્કેલી ભર્યા સમયે મિત્રોની વચ્ચે સહકારની જરુર પડે છે. હાઈડ્રોક્સીક્લોકોક્વીન પર નિર્ણય લેવા પર ભારત અને ભારતીયોનો આભાર માનું છુ. અમે આ ક્યારેય નહીં ભૂલી શકીએ. આ સહકાર માટે પીએમ મોદીનો આભાર.
Extraordinary times require even closer cooperation between friends. Thank you India and the Indian people for the decision on HCQ. Will not be forgotten! Thank you Prime Minister @NarendraModi for your strong leadership in helping not just India, but humanity, in this fight!
કોરોના વાયરસના કહેરની વચ્ચે ઝોલા ખાઈ રહેલા અમેરિકાએ હાઈડ્રોક્સીક્લોરોક્વીન દવાની ફરી માંગણી કરતા ભારતને ધમકી આપી દીધી હતી. ટ્રમ્પે કહ્યું હતુ કે ભારત હાઇડ્રોક્સીક્લોરોક્વીન દવાની નિકાસ પર નો પ્રતિબંધ હટાવી દે. નહીંતર પરિણામ માટે તૈયાર રહે. એ બાદ ભારતમાં વિવાદ થયો હતો વિપક્ષે પણ કહી દીધુ હતુ કે સરકાર કોઈ દબાણમાં કામ ન કરે.
પીએમ મોદીએ તેમને દવા મુદ્દે મદદ કરતા તેના 24 કલાકમાં તેમણે કહ્યું હતું કે મે પીએમ મોદીને પુછ્યુ કે શુ તમે પેલી દવા આપશો? તેઓ અદ્ભૂત છે. ભારતે પોતાની જરુરીયાત માટે હાઈડ્રોક્સીક્લોરોક્વીન દવાની નિકાસ પર પ્રતિબંધ લગાવ્યો હતો. જોકે તેઓ સાચા હતા.
હાઈડ્રોક્સીક્લોરોક્વીન મુદ્દા પર અમેરિકાની ન્યૂઝ ચેનલ ફોક્સ ન્યૂઝમાં જણાવતા ડોનાલ્ડ ટ્રમ્પે ભારત સાથે સમગ્ર વિવાદ પર વાત કરી છે. ડોનાલ્ડ ટ્રમ્પે કહ્યું કે અમે વિદેશથી ઘણી દવાઓ મંગાવી રહ્યા છીએ. આને લઈને મે પીએમ નરેન્દ્ર મોદી સાથે પણ વાત કરી કેમ કે ભારતથી પણ દવાઓ આવી રહી છે.