ગત 1 ફેબ્રુઆરીએ સામાન્ય બજેટ રજૂ થયા બાદ એ દિવસે ભારતીય શૅર બજારમાં 10 વર્ષનો સૌથી મોટો ઘટાડો જોવા મળ્યો હતો. જોકે, ત્યારબાદ શૅર બજારમાં રિકવરી પણ આવી હતી પરંતુ છેલ્લા કેટલાક દિવસોથી એકવાર ફરી ઘટાડાનો સિલસિલો જોવા મળી રહ્યો છે. આ કારણે રોકાણકારોને 5.51 લાખ કરોડનું નુકશાન થઇ ગયું છે.
ભારતીય શૅર બજારમાં 10 વર્ષનો સૌથી મોટો ઘટાડો જોવા મળ્યો
શૅર બજારમાં કેટલાક દિવસોથી એકવાર ફરી ઘટાડાનો સિલસિલો જોવા મળ્યો
આ કારણે રોકાણકારોને 5.51 લાખ કરોડનું નુકશાન થઇ ગયું
5 દિવસમાં 5.51 લાખ કરોડનું નુકશાન
19 ફેબ્રુઆરીએ બીએસઇ ઇન્ડેક્સ પર માર્કેટ કેપ 1,58,71,065.31 કરોડ રૂપિયા હતું. તેના એક સપ્તાહ બાદ 26 ફેબ્રુઆરીએ બીએસઇ (BSE) ઇન્ડેક્સનું માર્કેટ કેપ ઘટીને 1,53,19,487.08 કરોડ રૂપિયા પર આવી ગયું.
આ પ્રકારે રોકાણકારોને 5 દિવસમાં જ 5.51 લાખ કરોડનું નુકશાન થયું છે. 21, 22, અને 23 ફેબ્રુઆરીએ શૅર બજાર બંધ રહ્યું. જ્યારે 31 ફેબ્રુઆરીએ મહાશિવરાત્રીનો તહેવાર હતો જ્યારે 22 અને 23 ફેબ્રુઆરીએ સપ્તાહિક અવકાશથી બજાર બંધ રહ્યું.
Sensex at 39,888.96, down by 392.24 points. Nifty at 11,678.50, down by 119.40 points. pic.twitter.com/XwvLw1Kpzr
બજારમાં ઘટાડાનું સૌથી મોટુ કારણ કોરોના વાયરસ (Coronavirus) બતાવાઇ રહ્યું છે. વેપારીઓનું કહેવું છે કે કોરોના વાયરસના ઝડપી ફેલાવાની વચ્ચે વૈશ્વિક સ્તરે વેચવાલીના સિલસિલાની વચ્ચે અહીં પણ બજારની ધારણા પ્રભાવિત થઇ. મૂડીઝ દ્વારા પણ કોરોના વાયરસને લઇને મંદીની આશંકા વ્યક્ત કરવામાં આવી છે.
મૂડીઝ એનાલિટિક્સનું માનવું છે કે જો કોરોના વાયરસ એક મહામારીનું રુપ લે છે તો વૈશ્વિક અર્થવ્યવસ્થા મંદીના ઘેરાવામાં આવી શકે છે. મૂડીઝના મુખ્ય અર્થશાસ્ત્રી માર્ક જેન્ડીએ બુધવારે કહ્યું કે કોરોના વાયરસ સંક્રમણનો પ્રસાર હવે ઇટલી અને કોરિયામાં પણ થઇ ચૂક્યો છે. એવામાં તેના મહામારીનું રુપ લેવાની આશંકા વધી ગઇ છે. કોરોના વાયરસે ચીનની અર્થવ્યવસ્થાને એક મોટો ઝટકો આપ્યો છે. હવે તે આખી દુનિયાની અર્થવ્યવસ્થા માટે ખતરો બની ચૂકયો છે.
GDP આંકડાઓમાં મંદીની આશંકા
કોરોના વાયરસ ઉપરાંત જીડીપી ગ્રોથના આંકડામાં મંદીની આશંકાથી પણ અસર થઇ છે. આ ઉપરાંત ત્રીજા ત્રિમાસિક ગાળા (ઓક્ટોબર-ડિસેમ્બર)માં પણ કમજોર ગ્રોથ રેટની આશંકા દર્શાવવામાં આવી રહી છે. એસબીઆઇના અર્થશાસ્ત્રીઓ મુજબ ઓક્ટોબર-ડિસેમ્બરના ત્રિમાસિક ગાળામાં જીડીપી ગ્રોથ 4.5 ટકા રહેવાનું અનુમાન છે.
મોરિસિયસને એફએટીએફે 'ગ્રે લિસ્ટ'માં નાંખી દીધું છે. જ્યારે ક્રૂડ ઓઇલના ભાવમાં ઉતાર-ચઢાવને કારણે પણ શૅર બજાર પ્રભાવિત થયું.
જો બુધવારના કારોબારની વાત કરવામાં આવે તો બોમ્બે શૅર બજારનો 30 શૅર વાળો સેન્સેક્સ દિવસમાં કારોબાર દરમિયાન એક સમયે 521 પોઇન્ટ નીચે ચાલ્યો ગયો હતો. અંતમાં આ 392.24 પોઇન્ટ અથવા 0.97 ટકાના નુકશાનથી 39,888.96 પોઇન્ટ પર બંધ થયો. આ પ્રકારે નેશનલ સ્ટોક એક્સચેન્જનો નિફ્ટી 119.40 પોઇન્ટ અથવા 1.01 ટકાના નુકશાનથી 11,678.50 પોઇન્ટ પર આવી ગયો.