કોરોના વાયરસ / મહારાષ્ટ્રમાં 15 દિવસના લોકડાઉનના મુદ્દે આ સ્પેશિયલ ફોર્સે આપી લીલી ઝંડી, આજની બેઠકમાં લેવાઈ શકે છે નિર્ણય

• ઉદ્ધવ ઠાકરે સોમવારે સવારે 11 વાગે ઉપ મુખ્યમંત્રી અજીત પવાર સાથે કરશે બેઠક 
• કોવિડ ટાસ્ક ફોર્સે 2 અઠવાડિયાના કડક લોકડાઉનની તરફેણ કરી
•  વીકેન્ડ લોકાડાઉનને સારો સહકાર મળ્યો 

ઉદ્ધવ ઠાકરે સોમવારે સવારે 11 વાગે ઉપ મુખ્યમંત્રી અજીત પવાર સાથે કરશે બેઠક 

વધતા કેસને લઈને ઉદ્ધવ ઠાકરેએ રવિવારે સાંજે કોવિડ ટાસ્ક ફોર્સની સાથે બેઠક કરી હતી. કોવિડ ટાસ્ક ફોર્સે 2 અઠવાડિયાના કડક લોકડાઉનની તરફેણ કરી છે. ટાસ્ક ફોર્સે રાજ્યની ચેન તોડવા માટે 15 દિવસ માટે કડક લોકડાઉનની વકીલાત કરી છે. જ્યારે સીએમ ઉદ્ધવ ઠાકરેએ 8 દિવસના લોકડાઉનનું સમર્થન કર્યુ છે. હવે ઉદ્ધવ ઠાકરે સોમવારે સવારે 11 વાગે ઉપ મુખ્યમંત્રી અજીત પવારની સાથે બેઠક કરશે. જે બાદ લોકડાઉનને લઈને અંતિમ નિર્ણય લેવામાં આવશે.

મહારાષ્ટ્રમાં કોરોનાના આંકડા ડરાવના

મહારાષ્ટ્રમાં રવિવારે કોરોનાનો રેકોર્ડ 63, 294 નવા મામલા સામે આવ્યા છે. જ્યારે 349 લોકોના મોત થયા છે. આ બાદ અહીં કુલ કોરોનાના સંક્રમિતોની સંખ્યા વધીને 34 લાખ 7 હજાર 245 થઈ ગઈ છે. મોતના આંકડા વધીને મહારાષ્ટ્રમાં હવે 57 હજાર 987 થઈ ગયા છે. જ્યારે એક્ટિવ કેસની સંખ્યા વધીને 5 લાખ 65 હજાર 587 થઈ ગઈ છે.

 વીકેન્ડ લોકાડાઉનને સારો સહકાર મળ્યો 

મહારાષ્ટ્રના તમામ જિલ્લામાં કોરોનાને અટકાવવા માટે સરકાર દ્વારા વીકેન્ડ લોકાડાઉન લગાવવામાં આવ્યું છે . જેને સારો સહકાર મળ્યો છે. જોકે મુંબઈમાં કેટલીક જગ્યાઓ અને બજારો પર મોટી સંખ્યામાં જામ તથા અંતરના નિયમ તુટતા પણ જણાવ્યા હતા.

કોવિડ ટાસ્ક ફોર્સે 2 અઠવાડિયાના કડક લોકડાઉનની તરફેણ કરી

મહારાષ્ટ્રના સીએમે વીડિયો કોન્ફરન્સિંગના માધ્યમથી કોરોના ટાસ્ક ફોર્સની સાથે લગભગ 2 કલાકની બેઠક કરી. આ બેઠકમાં પ્રવેશમાં સમગ્ર રીતે લોકડાઉન લગાવવા અને કડક નિયમો પર ચર્ચા થઈ હતી. ટાસ્ક ફોર્સનું કહેવું છે કે રાજ્યમાં કોરોનાથી મુત્યુ દરમાં ઘટાડા માટે લોકડાઉન કરવાની જરુર છે. ટાસ્ટ ફોર્સની બેઠકમાં 3 સભ્યો દ્વારા 8  દિવસના લોકડાઉનની તરફેણ કરવામાં આવી. તો 3 સભ્યોએ 14 દિવસના લોકડાઉનની વાત કરી. એક્સપર્ટનું માનવું છે કે લોકડાઉન વગર સંક્રમણની ચેન નહીં તુટે.

આ સમસ્યા છે ચિંતાજનક

બેઠકમાં ટાસ્ક ફોર્સે રાજ્યોમાં બેડની અછત, ઓક્સિજન સિલેન્ડર, વેન્ટિલેટરની અછતને લઈને ચિંતા વ્યક્ત કરી છે અને હોસ્પિટલોમાં અનેક પર્યાપ્ત વ્યવસ્થાને સુનિશ્ચિત કરવાનુ કહેવામાં આવ્યું છે. કહેવામાં આવી રહ્યું છે કે રાજ્યમાં લોકડાઉન અથવા અનેક નિર્ણય જારી કરતા પહેલા સીએમ જનતાને એક અથવા 2 દિવસનો સમય આપી શકે છે. સીએમ કાર્યાલયે કહ્યું કે લોકડાઉનને લઈને રાજ્યના તમામ જિલ્લા માટે એક સરખી ગાઈડલાઈન તૈયાર કરવામાં આવશે. આ તમામની વચ્ચે સીએમ ઠાકરેએ મહારાષ્ટ્રમાં રસીના સપ્લાય પર પીએમ મોદીને બીજી વાર ચિઠ્ઠી લખવાનો નિર્ણય કર્યો છે.