દુનિયામાં પહેલી રસી બનાવવાનો દાવો કર્યા બાદ રશિયા કેટલાય દેશના નિશાના પર હતુ. રશિયાએ પોતાની રસી સ્પુતનિક વીના શરુઆતના પરિણામો જાહેર કર્યા વગર જ રસી લોન્ચ કરી દીધી હતી. જે બાદથી સવાલ ઉઠી રહ્યા હતા. આ તમામ આરોપોની વચ્ચે રશિયા મોસ્કોમાં પોતાના વોલેન્ટિયર્સે રસી આપવાની પ્રક્રિયા શરુ કરી દીધી છે. મોસ્કોની સરકારી વેબસાઈટનું કહેવું છે કે રાજધાનીના લગભગ 40 હજાર લોકોને રસી આપવામાં આવશે. આ રસીના 2 ડોઝ 21 દિવસના અંતર પર આપવામાં આવશે.
રાજધાનીના લગભગ 40 હજાર લોકોને રસી આપવામાં આવશે
આ રસીના 2 ડોઝ 21 દિવસના અંતર પર આપવામાં આવશે
સામાન્ય લોકો માટે રસીનો પહેલો ડોઝ જાહેર કરી દીધો હતો
મોસ્કોના ડેપ્યૂટી મેયર અનાસ્તાસિયા રાકોવાએ કહ્યું કે રાજધાનીમાં કેટલાક વોલેન્ટિયર્સને પહેલા જ રસી આપી દેવાઈ છે. આ વેક્સીનેશન 26 વૈજ્ઞાનિકો દ્વારા ધ લૈન્સેટને લખાયેલા એક ઓપન લેટર બાદ શરુ થયુ હતુ. આ પત્રમાં રસીની શરુઆતના ચરણના ટ્રાયલના ડેટા પર સવાલ ઉઠાવવામાં આવ્યો હતો. પત્રમાં ડેટા શંકા વ્યક્ત કરવામાં આવી છે.
આ પત્રમાં હસ્તાક્ષર કરનારા વૈજ્ઞાનિકોનું કહેવું છે કે રસી પહેલા અને બીજા ચરણના ટ્રાયલના ડેટાથી ખ્યાલ આવે છે કે અનેક વોલેન્ટિયર્સમાં એન્ટીબોડીનું સ્તર એક જેવું જોવા મળ્યું છે. જ્યારે ડેટાના મુલ્યાંકનથી ખ્યાલ આવે છે કે આવી શક્યતા બહું ઓછી છે. આ પત્ર એનરિકો બૂકી નામના વૈજ્ઞાનિકે પોતાના ફેસબુકમાં પોસ્ટ કર્યો છે.
પત્ર લખનાર વૈજ્ઞાનિકોનું કહેવું છે કે એક્ચ્યૂલ ડેટા ન હોવાના કારણે હાલ કોઈ પરિણામ પર ન પહોચી શકાય. જોકે વૈજ્ઞાનિકો દ્વારા વ્યક્ત કરવામાં આવેલી ચિંતાને રસી બનાવનારી ગામેલિયા ઈન્સ્ટિટ્યૂટે ફગાવી દીધી હતી. ઈન્સ્ટીટ્યૂટના ડેપ્યૂટી ડિરેક્ટર ડેનિસ લોગનોવે કહ્યું કે પ્રકાશિત પરિણામ પ્રામાણિક અને બિલકુલ સટીક છે અને તેની સમીક્ષા મેડિકલ જર્નલ ‘ધ લૈન્સેટ’ના 5 મેડિકલ એક્સપર્ટે કરી છે.
રશિયાએ મંગળવારે સામાન્ય લોકો માટે રસીનો પહેલો ડોઝ જાહેર કરી દીધો હતો. લૈન્સેટ મેડિકલ જર્નલમાં પ્રકાશિત થયેલી સ્ટડી મુજબ શરુઆતના ટ્રાયલમાં રસી વોલેન્ટીયર્સમાં એન્ટી બોર્ડીના રિસ્પોન્સ પેદા કરવામાં સફળ રહી હતી.