મહામારી / ...તો કોરોનાની રસીને ઓગસ્ટ મહિનામાં જ મળી શકે મંજૂરી, અમેરિકા નહીં પરંતુ આ દેશે આપ્યા ખુશખબર

• શિયા ઓગસ્ટ મહિનામાં જ વેક્સિનને મંજૂરી આપી શકે છે
• કોરોના વિરુદ્ધ વેક્સિનેશન પ્રોગામ શરૂ કરી રહ્યું છે રશિયા
• 2 મહિના બાદ લોકોને મળશે કોરોનાની વેક્સિનઃ રશિયા 

ઉલ્લેખનીય છે કે, રશિયા ઓક્ટોબરમાં કોરોના વાયરસ વિરુદ્ધ વેક્સિનેશન પ્રોગ્રામ શરૂ કરવામાં આવશે. રશિયાના સ્વાસ્થ્ય મંત્રી મિખૈલ મુરાશ્કોએ કહ્યું કેસ્વાસ્થ્ય અધિકારીઓ વેક્સિનેશન પ્રોગ્રામની તૈયારી કરીર હ્યા છે. તેમને કહ્યું કે વેક્સિન સૌ પ્રથમ દેશના ડોક્ટરો અને શિક્ષકોને જ આપવામાં આવશે. 

રશિયાના રેગ્યુલેટર્સ આ મહિને દેશની પ્રથણ વેક્સિનને મંજૂરી આપી શકે

રશિયાના રેગ્યુલેટર્સ આ મહિને દેશની પ્રથણ વેક્સિનને મંજૂરી આપી શકે છે અને તેના પર ઝડપથી કામ ચાલી રહ્યું છે. સ્વાસ્થ્ય મંત્રીએ જણાવ્યું કે મોસ્કોના ગમલેયા ઈન્સ્ટીટ્યૂટે વેક્સિનનું પરીક્ષણ કર્યું છે. અને હવે તેના પેપર વર્કનું કામ ચાલી રહ્યું છે. 

વિશ્વમાં વેક્સિન બનાવવાની હોડ જામી

તમને જણાવી દઈએ કે વિશ્વમાં વેક્સિન બનાવવાની હોડ જામી છે કે કયો દેશ પહેલા વેક્સિન બનાવશે. ચીન, રશિયા, બ્રિટન અને અમેરિકાની વેક્સીન ટ્રાયલમાં છે. બ્રિટેનની વેક્સિનનું છેલ્લુ ટ્રાયલ ચાલી રહ્યું છે. તો ભારતની કંપનીએ પણ બ્રિટેનની કંપની સાથે કરાર કર્યો છે. જેમાં બન્ને કંપની વેક્સિનને ટ્રાયલમાં સફળતા મળ્યા બાદ સાથે વેક્સિન બનાવશે.